Popular Bible Verses from JAHJA 21

Share

Okei nojake Jesus kidaa Simon Peteruspa eteete mana, „Ei, Simon, Jahjaja joka, kei joko kaido kei ma ko aki ki euga ei nagai, mee?” etii. Tijake Peterus wo eteete mana, „Ei, Tuhan, aki epi ani ki ei kagai,” etii. Tijake Jesus wo eteete mana, „Anija domba jokaido naaemunai,” etii. Okai kigi wijaago eteete mana, „Ei, Simon, Jahjaja joka, aki ei nagai, mee?” Etijake Peterus wo eteete mana, „Ei, Tuhan, ani ei kagai ko aki epi.” Etijake Jesus wo eteete mana, „Anija dombaido naaootou,” etii. Tijake okai kigi widaago wo eteete mana, „Ei, Simon, Jahjaja joka, aki ei nagai, mee?” Etijake Peterus gaagaa; kigi wido „Aki ei nagai, mee?” egaado tijake kouja. Tijake Peterus wo eteete mana, „Ei, Tuhan, utoma agijo utoma aki epi; ani ei kagai ko aki epi.” Etijake Jesus wo eteete mana, „Anija dombaido kede naaemunai.

Beu maa kou ani katiine, aki jokaida gaa aki kidaa piti gadimijawijake akija dimi gaijaidaiga uwita; kodeja aki adama kipe ko, aki gane mapido tijawijake joko ka bagee ka piti kaagadimijawijake aki be gaidaapa kodaa kadoke-uwiitai,” etii.

Tijake Jesus eteete mana, „Koma etikaatouga ikiija ka ebai kodo mijaawii, ikii mugaipiga no!” etii. Tijake okei ebai mijaawijake binei wedaba awidaa kouja ebai kodo wado gou kagaa-kagaa.

Tijake Simon Peterus eteete mana, „Ani binei muga-uwiine,” etijake joko kaido eteete mana, „Inii uwipage,” etii. Okei uwijake koma matakai. Okai kou uno kodo ena ma mugai beu.