Popular Bible Verses from JAHJA 14

Share

Muka-muka dimi ani kijajaikidokii. Beu maa kou ani kidaa muka-muka dimi kodo kinii. Makiida ka kinija dani ko beu, anija kinii ko. Kegepa begoo te tai, daana weda te gai.

Tijake Jesus wo eteete mana, „Ani ki Ita ma, Maakodo Bokouto ma, Ajii Bokouto ma. Me idaana ma Naitaipa te dakii tija, kodeja ani ma ki-toojogo to.

„Kegepa begoo te tai. Ugatame maakodo egawei! Ani maija maakodo nagawei!

Kodeja Agaagi Me kodo, kou ko Rohulkudus kodo, Naitaija aneeka dubaiga ebadikumiitagi kodo, okai kodaa utoma agijo kitopaitagi, daana anija kiteetega agijoudo ga-kiniitagi.

Meija anija mana jakimakijake dijo dopi okai ei nagai. Daana meija ei nagapi Naitai kidaa maija ei egaitagi, daana ani maija ei egajake ani akaato emuwakaita.”

Ani Naitaipa ediimaita, tijake okai joko ka Agaagi Me kiniitagi, ikii ma enaimo imo to to-tijake. Kou ko maakodo bokouto jago Roh kodo, makiida maki utoma ka te ejakimakija, okei te edomake kouja, daana ewo. Kodeja ikii epi, ikii wa enaimo tou kouja, daana ikii duba kaitagi.

Ikiija aneeka dubaiga nadiimija agijo ko ani kei tijawiita, Naitai kidi Jokame duba ajiipi go-mote-tijake. Kou danite ikii gaja agijo aneeka dubaiga nadiimipa ko, ani kei tijawiita.

Ikii ei nagapa ko, anija mana dijo nadou.

Naitaija owaapa to-taida wedaba. Kou dani beu naako kiti-toja kodaa. Ikiija to-taida epeepi kijatijawe-uwiita.

Kou danite ani uwijake epeepi kijatijawipa ko, ani mijo mejake kibukigouta, anija to-taida ikii na to-tijake.

Tijake Tomas eteete mana, „Ei, Tuhan, inii ewo aki uwiitageida. Kawe dani tijake inii ita ko epi?” etii.