Popular Bible Verses from Yaya 15

Share

Eyo ero ti, an aret o. Ndi, eno'mbak ti kit o. Kit an ninom kunik, ndi, an kit ninom kunik wonogo logonet, anggen ambik yogo logomunggup. An lek neegak, kit ambi eeriyak ti abu meek aret o.

Kit an ninom kunik, ndi, an kit ninom kunik logowok o. Eno'mbak eyo ero paga kunik lek kenok, alik nen anggen yi'nageelik nogo kwak, kit an ninom kunik lek kenok, anggen yi'nogo logomunggup lek o. Eno'mbak ero paga kunik kenok mban anggen yege menggerak.

Kit an ninom kunik logonet, an noone kinikime wonage kenok, Nit ndi mendek wo'niraawak, mba'nuk, nggino yo'nugwi kiinok, ti aret wokkirage neyaamunggup o.

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Aakumi nen inoreewi we iniki kunik eeginakwi ti, meek negen kwe, aap ambi nen oreewi inagap ndarogo inake kangge kenok perak, oreewi mondok iniki kunik nggwok lombok mbake logonet, eeke me, iya tit mbariyak o.

Eyo eno'mbak ambi an nimbirak kunik logonet, anggen yegeelik kenok, nogoba nen mbanogo mbo nappege, ndi, eyo eno'mbak paga anggen yege kenok, ambinom yi'nage logowak nduk, mbeenogo teppege, eeke menggerak.

An niniki kunik eekkinabeegirak nogo pogom, kit niniki-kiniki kunik eeko logobagip nduk, wone ambit ti aret yokkiragi o.

Anggen ambik yi'nogo logomonggotak paga kit abet aret an noone waganggwi mendek kiyaagun me, ti paga an nogoba endage tiyak yigin o.

Yorage nagagerik, ambinom yorage logonet, “Eyo abe ero ti, an aret o. Ndi, eebe unde ti, nogoba aret.

Eno'mbak mbanogo mbo nappegaatak mbuk age kenok, aakumi nen kuwak eerogo kani kunik me mbo mambugwi iinok, kani nen nengge menggi kwak, kit an ninom kunik lek kiinok, togop aret eeppinagagin o.

Wone yi yokkirage ti, an niniki ale'nggen mbake nogo kit kinikime logonet, kiniki ale'nggen nggwok aret kogo logobagip nduk, yokkiragi o.

Nogoba nen, Yogop ee'nu, ndogop ee'nu, yo'nereegerak nogo an eeke nagagirak paga iniki kunik ee'nabeegerak nogo kwak, an nen, Yogop ee'nu, ndogop ee'nu, yokkirage nogo eekwi kiinok, niniki kunik eekkinabigin me, ninom kunik aret logomunggup o.

Niniki-kiniki kunik eeko logobagip nduk, wone ambit ti aret yokkiragi o,” yinuk, yoragagerak.

Kit nen it aakumi o nggween paga yime menggaarak nogo mendek logonetak en, it muk iniki kunik eekkinabenetak kwe, kit it mendek lek me, ndi, it nogo iigak, an miirogo leengginabeegirak me, ineebi kinombako agaarik o.