Popular Bible Verses from Wakkagagerak 24

Share

Ti eeke nagagerik, at Abarakam ayeloman nogo nen tamban eeke logonet, “Kaliku nogoba Abarakam ogoba Ala wae. An eerikit nduk, wagarak nogo nogoba Abarakam abuwa mbake logonet, yogondak aret a'me nggelok yuwak nduk, koonogo panu o.

ndi, wogwe iinok, an nen kolaga ambi yoge logonet, Kat kaniyoowa'na time niyo ambi too'niru o, yoge neenok, kolaga ti nen niyo toologo, Namen o, yinuk, an wo'nege logomenggerik, Kaanggumi inom niyo toologo wogoraakit o, yinuk, toologo wogorage kenok, Kayeloman Itak akwe wogoriyak nogo yi aret kagi, mbarikit nen lik togon eeru o, nogoba. Togop eeke kenok, At Ala nen nogoba Abarakam abuwa mbake nagaarik, eeke kagi, mbarigin o,” yinuk, tamban eereegerak.

Mbininogo yoge mbareegi, Itak nen kolaga Iribaka nogo kolage nagagerik, wonok agalo Tara ame wonagagim nogome imbirak unggwogogwaarak. Unggwogo nogogwaarik, “Yi nakwe aret kolagi,” yinuk, iniki kunik eekkolage logonet, agalo kambeegerak paga iniki puru ari nagagerak nogo lek aret agagerak.

at kolaga iriwi nogo nen inale'nggen oba pogo logonet, “Niriluk o. Kat keebe ambit nen aret kwe, Yi aakumi ndi aakumi apit aret kat paga nen wigannarit wundi nogo logogun o. Kat kaagalogwe ndaganabemenggendak wiganak nen, Yi aakumi ndi aakumi inom ogoorak menggaarak inabu'me tebenogo piinok inawi time aret logogun o.”

Ne ambi paga at Abarakam nogo nen at ayeloman mini inowe aap iniki warak lombok amindik-amendek abok aret ndegeninake menggerak nogo yoge logonet, “An naput Itak akwe wogoriyak nduk, it aakumi Kanan mendek an ninom wonogwe yi, inapuluk ambi kwaariyak abu mage o. Ata, an wonagagim nawi alom paga nage logomenggendik, noreewi inapurilogwe ambi kero, kwaarenok nduk, kat keenggi nogo'ne'me pi'nake logonet, at mbogut-nggween wakkagagerak Aliku Ala owak o, yinuk, kumbuk mbanu o.”