Popular Bible Verses from Nappiigak 1

Share

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Yogo mbareegwa, Yetut nen it yorage logonet, “Nineyom-naneyom eeko logorak nogoba Ala alik unde logonet, koonogo pereegerak ti, kit kineenu ariyak lek o.

Ne ambi paga at awuri inom mbi nonggo logonet, it yorage, “At Yaya nen yiime wuppiige nagagerak kwe, ne mande negen logonuk Aberiniki kinoba wuppinagi woraagin me, kit o Yerutalem teppunuk nagup o. Nogoba nen, Wokkiraagin o, yinuk, abok yereegerak an yokkirage nagarak nogo, wokkiraawak nduk, tokkogo logonip o,” yinuk, wone lengganogo yoragagerak.

At wareegwaarak nogo eenik age nagagerik, “It nawuri ti nen an abet aret neenik agarak ineenu aruwak o,” yinuk, nigiige, ndi, Ala abu'me piyoorak wone nogo yorage, eerit nage kagak, nogo 40 aret yege nagagerak.

Wone ti yorage nagagerik, ina nigagik iigak, wonok lagi nage mbareegi, ameraakot enggela'me nobareegerak o.

At mbogut paga lagangge kagak, ina awo nigagik wonogwe me, aap mbere mbogoyum yanggwi negen yirik nu'lek me inowagam mi'nari wa'nuk, yorogo logonet, “Kit aap Nggalileya mendek yi wae. Nonggop nduk mbogut paga kina nigagik mban ogotik? At Yetut eebe kit kiigak mbogut paga wonok lagi nage kinigen kogotak ti, ndak-ndak peebi at eebe togop aret wambi wage kinigen kaamunggup o,” yinuk, yorogogwaarak.