Popular Bible Verses from MAREKÙT 10

Share

Mene re, hit en it hagatarek atì hak atì'nogo hagatì logousak motok lek o. An abat ta'lasi wagagi a'nogo re, hit apùnì nen lebe'nìkì logouageip ìlùk wagagi lek o. At he, an hit lebethisìkì logolìk, hinebe hele homago negen welagep mene atì hinebe logolegat hele hikalhinabigìlùk anat noasuagalùk wagagi atì. Atì nen he, hit aike sa nen, An inoe kain asigin, ìluk akiko halok he, hinagorat asuak. Nen, ht aike sa nen, An netagewerek asìgìn, ìlùk akiko halok he, at ebe hit obogat hinatitigeke asuak o,” ìlùk yogoisasike.

Atì'nogo ikenem, at Yesùt eileken it inoba hìlìk he, mel yogoisasike: “Apùnì nen hagasusak motok mea meneat he, Ala nen hagasusak mea hùk. At en yì mene tì mene hagasusak elok enek o,” ìlùk yogoisasike.

at Yesùt en he, mel yogosike: “Hetaùken noba hìpìrethegen atì baat hano agen o. Halok he, lan o,” ìlùk yogoto kolek aremnogoat eileken mùm mene a'nogo hano agaikesik he, Yesùt ebekwe laganem opolik inomat lagaukwa.

At Ala nenat atì'nogo eperak hù'nogo hisasikesi'mo re, it apùnì inokawerek en tetelasak motok lek o,” ìlùk yogoisasike.

at Yesùt eileken oba hìlìk etawì arìk he, mel yogosike: “Hat he, wene omakeat enek aike hagatì'lek welagen o. Hat yoma nen lìlìk he, hagarok yì mene tì mene atoma obogat it aike inoba abasi lan o. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo

Wagaikomo, at en he, mel yogosike: “An nen nìkì'nogo hagathabuagalùk yogoneten,” ìlùk hinok wokhasikomo re, ap eileken mùm mene a'nogo nen he, mel yogosike: “Noe. Neileken hano haga'nabinogolùk yogohetì o,” ìlùk yogosikomo

Mene re, hit en it hagatarek atì hak atì'nogo hagatì logousak motok lek o. An abat ta'lasi wagagi a'nogo re, hit apùnì nen lebe'nìkì logouageip ìlùk wagagi lek o. At he, an hit lebethisìkì logolìk, hinebe hele homago negen welagep mene atì hinebe logolegat hele hikalhinabigìlùk anat noasuagalùk wagagi atì. Atì nen he, hit aike sa nen, An inoe kain asigin, ìluk akiko halok he, hinagorat asuak. Nen, ht aike sa nen, An netagewerek asìgìn, ìlùk akiko halok he, at ebe hit obogat hinatitigeke asuak o,” ìlùk yogoisasike.

Sa nen, yekerùgì magatek mene Ala nen awe a'ma hisikerek wene atì wìlìk kagarek atì hak kìgì'lek halok he, kigin motok lek o, ìlùk eberogoat yogohisìgì,” ìlùk yogoisasike.

Atì'nogo meneat he, it apùnì o yogotak inetagewerek mene logolegat he, hobuk inetage lek asigin. Nen, it aike yogotak inetage lek werek mene inetagewerek asigin o,” ìlùk yogoisasike.

Atì'nogo yogoisasike meneat he, ero ba Ala nen elalinapike atì hesik he, helal mel ìlùk waganek werek: Ap elalhìk, he elalhìk, elalinapike. Ati nen, ap en, agosa opase hebisalùk agwe eperak hano logolìk he, it atì, inebe pìre meneat he, omakeat logouak o, ìlùk isikomo helai waganek werek atì nen he, hobuk it atì inebe pìre hùk. Omakeat agaikasik werek o.