Popular Bible Verses from LUKAT 6

Share

Hit en yì mene tì mene yùgùnat wogisegep halok he, Ala nen atì'nogo yùgùnat wokhisegeinat o. Nen, ìlìreke sogoloak oba walhìlìk, apem hetok hogo kalhenem, yamuk hogo pelakhìlìk hobuk oba louk hogo peserogo aike pilelogo piko kolek wogisegesep hak, Ala nen atì'nogoat hùkorogo wokhisegein o. Hit en ìlìreke walhìlìk en wogisegesep atì hak, Ala nen ìlìreke atì baat walogo wokhisegein o,” ìlùk, yogoisasike.

Apùnì nen yì wene tì wene inapema nen egarek atì re, ina'la peserek logolìk, kagalogo lagai waganem egarek o. Inoabùt hano mene ina'la hano mene peserek logolìk, wene hano meneat wulabi wagaikarek o. Meneat he, apùnì inoabùt weak mene ina'la weagat logolìk wene weak meneat wulabi wagaikarek o,” ìlùk yogoisasike.

It atì'nogo hagatarek meneat he, hit en he, hinom weak mene hinetawìrinapìk, hanorogo leberisìgìk, Oko it en aike wo'nesuak, ìlùk akìgì'legat hinoake yùgùn wogisìgìk, ìkì logogun halok he, hinebe Ala Etagepogot againapùrìat were'ma re, oko hùko mene wokhisegein o. Apùnì nen, at ebe hai watì'lek weak hagato kolegat etawìrinaperek atì.

Halok he, ninopase etawìrinaperek hak, hit en apùnì hinetawìrinapì logoino o,” ìlùk yogoisasike.

Atì'nogo yogoisasikesik he, wene aike mel yogoisasike: “Ala nen ùkùm hinoba heinogo ìlùk he, hit en apùnì aike ùkùm inoba hùgùp o. Ala nen ùkùm hinoba hìlìk he, weagathinabinogo ìlùk, hit en apùnì aike ùkùm inoba hìlìk he, weagarinapùp o. Halok he, hit an weak hagatì lagep mene Ala nen sagalogo legetsoagalùk he, apùnì nen weagathinabì'lùgì mene hit en sagalogo legetsìkì logoino o.

Atì'nogo yogoisasikesik hobuk he, mel yogoisasike: “Atì'nogo meneat he, hit an nane holhì lagep mene yì, an wene aike yogohisak. It apùnì hinom weak mene hinetawìrogo logoino o. It en ina'mapsìrì walogo inabìt hagathinapo kolegat he, hit en oko hano mene nek hagarinapì logoino o. It en hit homan hikiko kolegat he, hit en he, agaugerinapì logoino o. Nen, it weagathinabì'lùgì mene atì, Ala nen hanorinabuagalùk, it hesik sapan ìkì logoino o.

Hit hina'la nen he, It aike nen tì'nogo haga'ninabilep e! ìlùk akegesep atì hagat, hit en it atì atì'nogoat hagarinapì logoino o.

It aike nen hinelokoken o'moko lapuk hogo hinoato halok he, o'moko inom hinoasuagalùk ìnùgisani o. Nen, it aike nen hinasu sogoi su mene atì heliko halok he, hinasu eilemkwe mene atì inomat heloak en he, elele wanhùp o. It aike nen, Hit mene wo'nisani o, ìlùk kìno yogohisiko halok he, inebe lopok wogisìkì logoino. Nen, it en hit hinagarok mene wanho halok he, hobuk, Wo'nisani, ìlùk kìno yogoisagùp o.

Atì'nogo yogoisasikesik he, hobuk aike mel yogoisasike: “E ero hano mene aike eken weak mene ìterek lek. Ati hak he, e ero weak mene eken hano mene aike ìterek legat.

Yì e tì e atì re, eken ìterek atì ba ero enagat hùthagarek. Pakì alok weak meneat he, eken ara hano mene eken hake aike ìrì'mo palharek motok lek. Ati hak he, mùn meneat he, eken he, anggur eken hano mene ìrì'mo palharek motok legat.