Popular Bible Verses from LUKAT 12

Share

Atì hak he, hit hina'la nen he, At tì sat wesigin, ìlùk akìgì'lek wonogat werek kolek, an abat ta'lasi wagagi a'nogo re, arat wesigin atì, hinebe tegelek logoino o,” ìlùk yogoisasike.

At Ala awe a'ma kìlìk logogun atì mene esinethogoin halok he, hit yì mene tì mene atì oba louk hogo wokhisegeinat o.”

apùnì apik amanogo mel yogoisasike: “Apùnì inagarok apik welagarek atì ba ineluk welagaikarek lek o. Yì mene tì mene an mene nek logoilep, ìlùk ina'la akìkì logoinogo ìlùk hinepe hebelogo logoino o,” ìlùk atì'nogo yogoisasikesik he

Hinagarok hinetaùken hutik mene atoma atogorek were'ma, hinetaùken atomaat logogin o,” ìlùk yogoisasike.

Nen, hit aike nen he, An wa'lasusak higit atì sat he, katok hogo wa'lagì'lek, hamùlùgat aike inom hogo logoile e, ìlùk wenesùgì uan horo ebesigin atì ba heluk aike inom logousak nogo? Mea o.

Atì'nogo yogoisìlìk, at agoromì ane wanhì lagaukwa mene amanogo mel yogoisasike: “An nen atì'nogo yogohisìgì atì nen, hit hina'la nen he: Nineluk logouogolùk he, ninapùrùk kì mene nogoin. Ninasu kì mene laberogoin, ìlùk, hinalabut hìrogo wenesùgì uan horo ebetì logoinogo ìlùk yogohisìgì.

Nen, hit hinesi hinùkùloa'ma obogat, at Ala nen eki motok wenago welagarek o. At Ala nen sùe wulue apik atì esin hake akikerek hùk. Hinebeat esin motok akikerek o. Atì nen hinayù'lek hogo logoino o,” ìlùk yogoisasike.

“Halok he, hit Ala againapùrì kìlìk welagasep mene hinebe hamùlùgat mene yì, nagaiya'lak e! Ala nen hit at awe a'ma hikagalùk a'la akikesik werek atì re, hinayùk agùp o.

At sùe pokiet hagaterek hùthani. At en he, yì mene tì mene awì yatìk, eken palhìk, ikerek motok lek. Nen, hobuk nasak hesik eken palogo o wùrì'mo hakikerek oba motok lek meneat he, at Ala nen apùrùk wogoterek. Mene re, at Ala nen sùe atì agaugeraterek nogo? Lek o. We, hit hinebeat agaugethinapì logolìk hinapùrùk wokhisegein lek nogo? Wokhisegeinat o.

Hina'la nen he, Ninapùrùk mel, ninagei mel, kì mene nogoin, ìlùk, atì meneat esinethìlìk hinalabut hìrogo logogùp o.

Halok he, eka heleka o leimokwe welagarek mene atì re, yogotak hak, hano welagaresik en, hùen hak he, etumo lolhisagarek meneat he, Ala nen inasu laberisa hak hano mene hagarogo hisikerek atì hak, hit hinebe hesik labethikegein lek nogo? Hinetaùken at oba hìpìrìk logohùk yìi ri!

Mene re, yì mene tì mene sebelek mene atì hukalhìk, hinago werek mene atì inelùrogo sele'mathìgìk, igin enek o.