Popular Bible Verses from YOHANET 16

Share

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

Atì'nogo meneat he, Ala Areagùn, ebe wene ikerek mene atì wìrìk he, kwe inokotma inelu mene nen yakùlisagarek atì hak, ebe wene obogat hùthoageip en ìlùk yakùlhisìkì logogin o. Atì'nogo yakùlhisìkì logogin atì re, wene at a'la nen kagalogo ìkì logogin lek o. We, at asuk holherek mene nek ìkì logolìk he, hobuk haga'lasigin mene yogohisìkì logoginat o.

O alebat en hùlì yogotak hùlì, an netage palogo yì mene tì mene aike kìno ìgì'lek welagepma o. Halok he, hina'la hai apik hakoageip en he, at kìno yogotì logoino. Atì'nogo yogotì logoumo, wokhisìkì logoginat o,” ìlùk yogoisasike.

an nen wene ebe pak hogo yogohisak o. An legein lek logoilepma re, at hit lebethisìkì logogin mene atì hinoba we'lep lek meneat he, an legein atì nen, at atì an nen hinoba lakhei wesigin o. Halok he, an legein atì nen, hit hesik hano motok asigin, ìlùk eberogoat yogohisìgì o. At atì ebe wìrìk he, it apùnì kweangma mene nen hagatarek mene hesik hukalogo yogoisìkì logolìk, Hit hina'la ebetì lagep atì re, weak hagatarek mene hesik mel, higit hagatì logousak mene hesik mel, Ala nen ùkùm inoba hìgìk, kotìk, ikerek mene hesik mel, hina'la kolo ebetì lagep o, ìlùk wene hukalogo yogoisa wesigin.

Hit ati'nogo at. Yogotak hina'la weak welagep meneat he, hobuk an ninom apì asugun atì sat, hina'la hai apik hakogoin o. Nen hit hina'la hai atì, it apùnì aike nen legetsogoin motok lek o. Hùlì atì hùlì arat asi lìlìk he, hit en wene aike an noba hinok wo'neogoin motok lek o. Halok, an nen wene aike yogohisak: Hit en yì mene tì mene an netage palogo nopase kìno yogosugun halok he, at en wokhisegeinat o, ìlùk eberogoat yogohisìgì.

Hobuk hit hina'la nen lì agìk, le agìk, ugun meneat he, it apùnì kweangma mene ina'la hai hakogoin o. Atì'nogo meneat he, hit hina'la weak logogun mene atì, hobuk hano aganem hina'la hai apik hakogoin o, ìlùk eberogoat yogohisìgì.