Popular Bible Verses from Markus 7

Share

Wene esigit diluk yogisasi dogolik, omanggi men yogisasike, “Wene inakla nen nggagalogo dagi wagonem wulabigogi eti nenat inebe weyagarinabigogo o. Esigit diluk inakla nen weyak mende ebeko dogolik kagarigogi yi: komagarligi yugunat paʼbiyigik, yi mende ndi mende ininggi abusak waganggik, akoni inakik, ap inagugi mende yogot paʼbiyigik, inakla nen, Akoni amberek inamende an mendeat dogolep, yiluk ambigik, yi weyak ndi weyak kagakik, inenggalat nuket diyigik, inenggarli dek kagakik, uwa mbalkik, inabok wiyik-weyak mbalkik, inenggaerek nen pogorakigik, inendainggen dek kagakik, kagarigogi o. Yi weyak ndi weyak eti taʼbokogonat inakla nen nggagalogo dagi wagonem wulabigogi eti nenat inebe weyagarinabigogi o,” yiluk yogisasike.

Akoni yi mende ndi mende inambema nen inakla wusa ʼbiligogi mende eti paga, weyagarinabusak degat o. Weyagarinabigogo eti wene inakla nen nggagalogo dagi wagonem yiligogi etiat weyagarinabigogo o.

Esigit diluk yogokukama, at nen men yogisasike, “Kit kinowado pagaat pano salek, kinendainggen mbere dogolik kagarigogi eti pasik, at Yesaya nen Allah wene yogisasi dogolik, wene men yisike eti kit pasik motogo yisike kigi, Allah nen, It akoni yoma inambe paga nen an pogotnako dogolik, inendainggen an noba ebekidek werlekma eberik liligogi.

Wene akoni inane mendeat, an nen yisigi mende negen yanggul isiligogi eti paga, we yugunat an pogot nabigogi o, yiluk yisikemo Yesaya nen kolal mbalogo ʼbisikemo werek eti kit pasigat yisike o.

Wene esigit diluk yisike kagat, wene Allah nen ninasuk wakike wene eti sagalogo togot diyalok akoni inawene kinobatnerogo pago werek o,” yiluk yisike.