Popular Bible Verses from La’biyaske 1

Share

Esigit diluk mende, Allah Agurengge kinoba wusa wago kalok kinobatne asigin. Kinobatne atluk, o kota Yerusalem inom, o propinsi Yudea inom, o Samaria inom nen, kurli o yi ai ndi ai o ilugun ilugun eloma lago dogolik, an yi mende ndi mende kagarik nakonem kinilenggen niyegep mende etnogo, an nabok yogisilik lago dogono o,” yiluk yogisasike.

Yogokukama, at Yesus nen men yogisasike, “Wene yegep eti, an nombae indewerek nen akla ambasike ndak-ndagat kagat lasigin eti paga, kit nen, Kurli eti kurli paga dogoluk kagat lasigin, yiluk kinilurogo dogusak erlok dek o.

Ininggi omanggi at agoromi inom omanggimo nandorlek dogolik nen, men yogisasike, “Yohanes nen ima wusa ʼbinasi lagike mende, kit kininggi dogalegat welagidekma, Allah nen ima wusa ʼbinagu kak, at Agurengge kinoba wusa ʼbi wisigin eti, kinebe o Yerusalem yoma nen dukugup. An nombae nen, It wogisagin, yiluk wene yokisasike mende eti, an nen alebagik abok yokisasigiat o. Eti paga, anggorlem dogono o,” yiluk wene yogisasike.

Yesus ebe watlagikesik nen iluk atluk, inggi 40 hari inom dogolik, at ebe senggekogo diduwagaluk yi mende ndi mende elalin dogalegat kagako lagike. Esigit diluk kagako dogolik, at nen, “An nebe yi. Inilenggen dikogo niyawak o,” yiluk alep-yabungga inelokoma melatluk inuguriyigik, Allah apma dogogun wene yogisigik, kagako lagike.

Wene esigit diluk arat yogisasikemo nen, Allah nen at ebe mbogot oba wolok dagasinem inilenggen werek nggorlek oisa nen sebelkikemo, inilenggen yabunggane kigidek.

Kigidek dogolik, at Yesus ebe wolok dagasi nggorlek inilenggen mbogot oba mot-mot liyagik werekma eranogoat, ap inebe mbere iniyom nggut mende yilik ineragalilu melasi wusa waguka. Melasi wusa wagukasik nen, men yogisasuka, “Kit akoni o Galilea mende yirani. Kinilenggen mbogot oba liyagik werek eti nenaluk. At Yesus kit yoma ʼbinagaluk mbogot oba wolok dagisinem kinilenggen werek nggorlek, mbogot oba dageke eti kak, yabunggane ebe esigit diluk wusa wisigin o,” yiluk yogisasuka.