Popular Bible Verses from Josué 1

Share

Yang lawik masihtayang kulnam dadasni dunam dawak bik barangni atnam. Yamaduwinih dawak bik kulnam buknin awaski kat yang, man Damawan dawak Papangma yang adika, man karak awakiki angkat angkat yawama kidika.”

Papang lāni wauhnitaya yakat ais yulwa kidika wat wat lamta yamtah ban kaput, dawak kidika yakat madah dawak pukta kulta talah, ban kaput yamna atnam yulni kidika ais yamnin yulwa kidika. Kaput laih ais yamma balna bitik kidika yamni manah makalahwarang ki.

Di aslah mayultayang kidika laih kulnam dadasni dutah dawak bik barangni kultah, dawak yang diki yamyang Moses yaklau la balna mana kidika bitik yamtah. Amput yulwa kidika kaput yamtah man ais yamtaman balna kidika bitik yakat yamni manah makalahna atnin yulni.

Muih as bik mamat bayakwas karang sangmaka bitik yakat, dawak yang laih man karak awakiki Moses karak yang dai kapat, dawak marumhtik bik madatas awakiki.

Kulnam dadasni dutah dawak bik barangni kultah, man lawa sau wayahyakta diama ki adika tawanni akat, kat adika kuduh di pahni yang lawik man muihmabararak balna yakat dianik pramis yamnayang dai kidika.

Moses yakat pramis kalyamnayang kaput, yang lawik sau manaki ki manna kalmana ataknamna kidika.

“Yang diki yamyang Moses dauna bahang, waralaih Jordán wasni man daklawanam ki, Israel tawanni balna bitik karak, manna yakat sau manaki kidika yakat yawanamna.

Dawan dini yamyang, Moses dauna usnit kat, Dawan laih Nun walanibis al dawak Moses tingnisut laihyang Josué karak yulbauna dai, dawi kalyulna

Kauhmak wanilang kaupak sau kiwa kidika dawak Líbano asangni kaupak Eufrates wasni nuhni kat kidika manaki ki, hitita balna saunina kidika bitik Mediterráneo kumani kat.

Angdika muihni man namangkauh yaklauwarang kidik awasbik yamnin yultaman kidika yakat yamwas karang laih dauna karangki. Kulnam dadasni duna atnam dawak barangni kulna atnam kidika manah mayultayangna.

“Ū lababanni balna bitik yakat yawanauh dawak bitik yakat diyultanang kat kasnin dini balna ridi yayamwang, kat ma bas pasyakat Jordán wasni kidika madaklawarang ki Dawan mayang Mapapangki yaklau sau mayawarang kidika yakat pa duna atnin yulni.”