Popular Bible Verses from Jan 15

Share

“Yang kuduh wain panan nuhni, dawak manna laih tingni rahnimanah. Wais kat yang karak aslah kidika, dawak yang witing karak aslahyang kidika, minik mahni kalahwi; yang karak awasmana kat manna di as yamtasmana.

Yang karak aslah awanauh, yang manna karak aslahyang kapat. Tingni rahni as kidika sip minikyakwaski witing silp, panan nuhni karak aslah awaskat; sihm kaput bik laih, manna sip minik yaktasmana, yang karak aslah awasmana kat.

“Manna yang karak aslah awanama kat, dawak bik sumalnayang balna kidika kat barangni yamtanama kat, ais dukih manawa kidika yultanauh, manana karang.

Manna lawa yawalta yaktasmana, kaunah yang lawik manawaltik yaknayang, dawak manapaknayang yawa minik manas yaknin, dawak kidika minik balna kidika ban atnin. Kaput laih Papang yaklauwi manawarang, yang ayangki kau yakta yultanama kat.

Dalani talnin tanit nuhni kidika laih, sangnika kalanin kaltalyang yamni balna kidika yulnina.

Yang tingki rahni balna kidika wain minik yakwas karang kat, dakwi; kaunah wain minik yakwa kat, tingni rahni balna kau di laihna balna kidika bitik tukwi yakwi, kaput laih minik kidika manas laihna atnin yulni.

Yang laki balna laih adika ki: Biri biri dalani katalnin, manna yakat dalani manatalayang kapat.

Yang Papangki laih risnipik kidika duwi manna minik manas yaktamana mani kat dawak kaput karak rahm palni yang disaikipil balna kaltamana.

“Yang kuduh wain panan rahm palni kidika, dawak Papangki kuduh dahwa kidika.

Wais kat yangkarak aslah awaskat, ahni yakat ruhmna karang dawak buhlawarang, pan tingni balna buhlalana kat uduhwi kuhkau buswa kapat bubusna karang.

“Kaput manayultayang yang karak alasna atnamna yulni, dawak alasna alahwamana kidika bitik palni atnin.

Yang laki balna yakat daka yamtanama kat, yang dalani talayang yakat awanama, yang Papangki lani balna yakat dakik yamtayang, dawak witing dalani talwa yakat banyang kaput.

Adika kuduh yamnin manayulna kidika: Biri biri dalani kaltalnauh.

Manna kidika sau akaupakmana katlaih, sau muihni balna adika dalani manatatalwitdai, witingna balna aslah dalani kaldakakawa kapat. Kaunah yang lawik sau muihni balna paskaupak manawaltik yaknayang, kidika bahang sau muihni balna dutni manatatalwi, kat uman sau kaupak awasmana bahang.