Kaput laih José yakat aput blisin kalana:
“Papang witing yakat yulni dakanamana kidika
Abraham dawak Isaac, yang papangki balna,
Papang yang akat mainyatalna kidika
batahndanayang mani kaupak,
dutni bitik kau yalaihwi yakwa innisal kidika,
blisin diawang adika muihni ahal binina akat.
Witingna munah yang ayangki adika isningkatna karang
dawak yang papangki balna ayangnina bik, Abraham dawak Isaac.
Walaninabis bik mahnin yayakna karang
dawak sau akat muih mahni palni kalna karang.”