Popular Bible Verses from AEMAWIRISAS 2

Share

Petrus masirin, atakam e ow aotawefen. “Car dosa bak mampayemtotorey. Ow Yesus Kristus juwas bajiemces, wunam bwi car babwimcenes. Bare, Allah e cadosa bi binip ajiosomcema. Aram e Roh Kudus car atetamtotorceman.

E owam e atakam botaw batewosom ow atakam, amememawirisen. Aram cowok asan aniapa ajiawirisen. Aram perjamuan Tuhan cowkon aana ajiawirisen. Aram janim Allah aanima ajiawirisen.

Roh Kudusam e ow takas aomomkurumtotorefen. E ow masirin, kawey samatin samatin atakam jukpiri atawtotorfesen. E Roh Kudus inim atakam e ow atetamtotorefen.

Jon bawum ciminas e onam op ewsarimneyefen. E jon bawum inim, e ow aemapfes cem aman asanin asanin takas aemtepkurumefen. Bare, e ow, komen inim cimin pok arke aporfesen. E komen, jismak inim cimin aporfesen. E komen arke masirin, aampacayfes, wunam, ar e ow takas, adam tona adam tona, inim aneyaptotorfesen. Roh Kudusam e ow takas aomomkurumtotorefen. E ow masirin, kawey samatin samatin atakam jukpiri atawtotorfesen. E Roh Kudus inim atakam e ow atetamtotorefen.

Join aatamfafayawiri, ar bi binip cowkon, Allah cem aman ajarewsiapa ajiawirisen. Ar masirin, amos acema jiwnatiwa, acema jiwnatiwa, inim ajiawirisen. Jak akat epcomam amos sey aseyamtama ajiawirisen. Aram Allah asicimawirisen. E kawey owam, e ow, atakam akat atawa ajiawirisen. Join aatamfafayawiri, Tuhan e ajortewa ajiawiri ow, e owpu kayimin akakayima ajiawirien.

Allah atakam ara, E asepnak jofay ara, Dor e doRoh, asmat ow takas atetamcimin. Inimas ara, e catiperes doratakam acacapiomcemes. E caray owam pok desen aporcemes. E carownucuram isi atamwitcemes.

E Yesus basicim ow takas cowkon aememawirisen. Aram pok takas cowkon aomomatawirisen. Pok aramat ow, pok, uang auwumteweta ajiawiris, wunam e uang, pok opok ow sey aseyamtama ajiawirisen.

E janim Tuhan aanimces ow takasam ajoremcemes.” Allah inim atakam ara. Yoel inim aeefen.

Bare, e jopok jiwic acamtiwcema. E piram esakam es cimin aemcema. Asep ara masirin, Tuhan Jofay aenawcema. E jofay, awutnakutam, akatnakutam, ara.