Popular Bible Verses from Marku 9

Share

Jesu a ti khene kwakwe: “Ngako u txi sikota! Totshe ta koteka ka wu a kholwako.”

Se tate wa mwanana a to kwangula, a txi khene: “Na kholwa! Aniko ni vhune ku ambi kholwa kwangu.”

Ku ti ngako Jesu a di wulete nyumbani, vagondiswa vakwe va to mu wotisa va di vokha, va txi kha vona: “Athu hi tandekisile kutxani ku wu tovela kani?” Jesu a ti khene kwawe: “Lixaka liya kha li humiswi ngu tximwani txilo, hahanze ka kukhongela.”

Mnyu njilo txo tshamba, aniko ngako mnyu wu txi guma mtamo, mi na wu lunga ngu txani wona kani? Zumbani ni mnyu mndani kwanu, mi txi va ni kudikha mmweyo ni mmweyo.”

“Awu a no amukela tximwananana txo nga tiya ngu ditina dangu, ngani a ni amukelako. Se awu a ni amukelako kha amukeli ani, aniko a amukela awule a nga ni ruma.”

Awule a no mi ninga muhindo wa mati o sela ngu mhaka ya kuva mi di vagondiswa va Kristu, kha ditshuri na mi gela ti to kha na mbi mwalalelwa ngu dihelo yakwe.”

“Wuhi ni wuhi a khuvekisako mmweyo wa sivananana siya si kholwako kwangu, ti nga va i di txhuko kwakwe, ngako va txi mu sunga dirigwi da txigayo mkoloni, se ngu msana va txi mu rinza digovani.

Se ngako diso dako di txi kuyisa txionhoni, di thavise; ta vhuna ngutu kwako kuwulela Mfumoni ka Txizimu ni diso dimwedo, kupinda kuyiswa Gehena u di ni maso ako a mambidi