Popular Bible Verses from Johani 15

Share

Ani ni ditshina da m'vhinya, anu mi madhavi. Awule a zumbako kwangu, nani ni txi zumba kwakwe, eyo wa veleka mihando yayingi, nguko hahanze kwangu, kha mi na kusikota kumaha txilo.

Zumbani kwangu, nga ti ani ni zumbako kwanu. Kufana ni didhavi di di si sikotiko kuveleka mihando dona dokha, hahanze ka kuva di di patanile ni ditshina da m'vhinya, na nanu ni kadotho kha mi sikoti kuveleka mihando, ngako mi si nga kwangu.

Ngako mi txi zumba kwangu, ni mapswi angu ma txi zumba kwanu, mi nga sikota kukombela txihi ni txihi mi txi lavako, mi na mahelwa tona.

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Ku walo m'thu wu a ku ni lirando la hombe ngutu kupinda la wule a ningelako wutomi wakwe ngu mhaka ya vangana vakwe.

Didhavi dihi ni dihi di ku kwangu, adiya di si velekiko mihando, wa di wila, se adiya di vekako mihando, wa di sanda, kasiku di txi thela mihando yo tala.

Mlayo wangu ngu wuwa: Randanani, nga ti ani ni nga mi randisa tona.

Tate wangu a na dhumiswa, ngako mi txi veleka mihando yo tala, mi maha vagondiswa vangu.”

“Ani ngani mndonga wa ditshuri wa m'vhinya. Tate wangu ngene m'dimi wa kona.

Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa.

“Ni mi gete mhaka yiya, kasiku litsako langu li txi zumba ni nanu, se kutsaka kwanu ku txi va i di ka kuhetiseka.

Ngako mi txi veketa milayo yangu, mi na zumba lirandoni kwangu, kufana ni nani, ni nga veketa milayo ya Tate wangu, se ni zumbako lirandoni kwakwe.”

Txileleto txi ni txi siyako kwanu ngu txiya: Randanani.”

Idiku mi va ditiko, nga ditiko di di randile ava va lumbako dona. Aniko, nga kuwa mi ku si nga va ditiko, ni kuwa kambe ni nga mi sawula ha ditikoni, ngu konaho ditiko da mi vengela.