Popular Bible Verses from MARKUS 9

Share

Nappébali Yésus, “Aga muwaseng? Rékko naulléi Bapa'? Wedding maneng, assaleng mateppe'i tauwé!”

Matteruni gora iyaro ambo'na anana'é, “Puwang, mateppe'ka, iyakiya makurang atepperekku. Tulukka kuwammengngi napédé' mateppe'ka!”

Engkanana Yésus ri bolaé, poléni ana'-ana' gurun-Na secara peribadi ri Yésus nanakkutana, “Aga saba'na idi dé' nariyullé paddésu'i iyaro roh majaé?” Nappébali Yésus, “Iyaro roh maja bangsana dé' nawedding ripaddésu' sibawa muwi cara aga, sangadinna sempajang.”

Iyaro pejjé makessingngi, iyakiya rékko makawai, weddigga ripejjéi paimeng? Jaji sitinajako mancaji pada-pada pejjé – tuwono massibawa sipammasé-masé.”

“Tau iya tarimaéngngi séddié anana' pada-padaéwé nasaba Iyya, bettuwanna natarima tok-Ka. Na tau iya tarimaék-Ka, tenniya Iyya bawang natarima, iyakiya natarima towi iya suroék-Ka.”

Engngerangngi! Tau iya painungngékko nasaba ana' gurunnako Arung Pappassalama'é, pasti natarimai sarona.”

“Nigi-nigi nassabariwi sala séddinna polé risining tau iya baiccu'éwé dé'na namateppe' ri Iyya, lebbi kessing muwi narékko batu allélurengngé riyassiyorengngi ri ellonna, naribuwang ri lalenna tasi'é.

Rékko matammu nallalengiko madosa, cukkéi iyaro mataé! Lebbi kessing muwi muttama'ko ri Lino Barunna Allataala sibawa dé' matammu séddi, naiya riyabbéyakko ri laleng ranakaé sibawa iya duwa matammu.