Popular Bible Verses from MARKUS 6

Share

Maéga senna' tau polé sibawa medde', angkanna muwi untu' manré Yésus sibawa ana'-ana' gurun-Na dé'tona nadapii. Rimakkuwannanaro makkedani Yésus lao ri ana'-ana' gurun-Na, “Laono mai talao ri onrong masino-sinoé, naweddikki alé-alétami sibawa wedding tokko mappésau cinampe'.”

Nakkeda Yésus lao ri mennang, “Séddié nabi ripakalebbii kégi-kégi; sangadinna ri kampong assalenna, sibawa ri yelle'na sumpulolona nenniya kaluwargana.”

Wettunna Yésus nonno polé ri lopié, naitani tau maégaé. Messéni lao ri mennang, saba' pada-padai mennang bimbala' dé'é nappunnai pakkampi. Nanappammulana mappagguru maéga passaleng lao ri mennang.

Ri onrongngéro dé' naulléi Yésus pogau' anu makalallaing. Sangadinna pajjappai siyagangngaré tau malasa sibawa napalénne bawang liman-Na ri yasé'na mennang. Héranni dé' namateppe' mennang. Nainappa Yésus lao ri kampong-kampong ri seddénaro, sibawa mappagguru.

Nainappa nalani Yésus iyaro limaé roti sibawa duwaé balé, nappa conga ri langié mattarima kasi ri Allataala. Purairo napuwé'-puwé'ni iyaro rotié sibawa liman-Na nappa nawéréng ana'-ana' gurun-Na untu' nabagé-bagé lao ri tau égaéro. Na iya balé duwaéro nabagé-bagé toni lao ri iya maneng mennang. Manréni mennang gangka messo. Nainappa iyaro lebbinna nanré napaddeppungenni ana'-ana' gurunna Yésus, – engka seppulo duwa baku penno iya maneng.