Popular Bible Verses from MARKUS 4

Share

Moto'ni Yésus, nanagera'i iyaro angingngé, nanakkeda lao ri tapparengngé, “Ammekkono, tennanno!” Nasorona angingngé sibawa tennang senna'ni tapparengngé. Nainappa makkeda Yésus lao ri ana'-ana' gurun-Na, “Magi mumétau? Magi nadé' mumateppe lao ri Iyya?”

Namétauna mennang, nakkeda séddié lao ri laingngé, “Niga sitongenna iyaé tauwé, namuwi angingngé sibawa bombangngé tunru'to ri Aléna.”

Na Yésus mattengngangngi matinro ri borina lopié sibawa ulun-Na ri yasé'na angkalungungngé. Naritedduna ri ana'-ana' gurun-Na. Makkedai mennang, “Pa' Guru, dé'ga tapaduliwi rékko nakennaki abala?”

Nainappasi makkeda Yésus, “Pénessaiwi aga iya muwéngkalingaéwé! Ukkurang iya mupaké untu' tau laingngé, napaké towi matu Allataala untu' iko – sibawa mala lebbi maégapi.

Nasambussi bicaranna Yésus, “Rékko mapparéntai Allataala selaku Arung, keadaanna weddingngi riyakkalarapangeng pada-pada séddié tau pangampo biné ri dare'na. Matinroi ri wennié; péseddingngi ri essoé. Naiyaro sining biné tuwoi matteru sibawa mancaji battowa. Iyakiya pékkugi carana iyaro sining biné tuwo mancaji battowa, iyaro tauwé dé' naissengngi.

Rimakkuwannanaro, rékko mappunnaiko daucculing, éngkalingani!”