Popular Bible Verses from MARKUS 2

Share

Naéngkalingai Yésus pakkutanana mennanro, nanappébali, “Tau madisingngé dé' napparelluwang dottoro'; bannami tau malasaé bawang. Polé-Ka tenniya untu' mobbii tau iya mangga'éngngi aléna makessing, sangadinna tau iya riyangga'é matuna.”

Wettunna naita Yésus pékkugi rajanna teppe'na mennang, makkedani lao ri tau péso'éro, “Ana'-Ku, riyaddampengenni dosa-dosamu.”

Nainappasi makkeda Yésus, “Esso Saba'é ripakangkai untu' rupa tauwé; tenniya rupa tauwé untu' esso Saba'é.

Iyakiya maéga senna' tau, dé' naulléi lettu ri seddéna Yésus. Jaji nabukkai pabbingengngé persis ri yasé'na naonroiyé Yésus. Purairo, naloro'ni iyaro tau péso'é sibawa tappéréna.

Iyakiya makkekkuwangngé maélo-Ka pabuttiwi ri iko makkedaé ri yasé'na linoéwé makuwasai Ana'na Tolinoé maddampengengngi dosaé.” Nainappa makkeda Yésus lao ri tau péso'éro, “Oto'no, akkai tappérému namulisu!”

Kéga lebbi gampang: makkeda, ‘Riyaddampengengngi dosamu’, iyaré'ga makkeda, ‘Oto'no, akkai tappérému, namujoppa’?

Mapperi-perini moto' malai tappéréna nainappa massu risabbing risininna mennang. Hérang senna'ni sininna tauwé nanapojiwi Allataala. Makkedani mennang, “Dé'pa naengka nariita kajajiyang makkuwaéwé!”