Popular Bible Verses from MATIUS 5

Share

Dé'gaga tau palluwa lampu, nainappa natongko iyaro lampué sibawa baku. Mala nataroi iyaro lampué ri onrong lampué, kuwammengngi nabbéré tajang lao ri tungke' tau ri laleng bolaéro. Makkuwatoniro tajammu harusu'i mattappa ri yolona tauwé, kuwammengngi naitai tauwé pangkaukeng-pangkaukemmu madécéngngé, nainappa napojiwi Ambo'mu ri surugaé.”

Ikona iyanaritu tajanna linoé. Kota monroé ri yasé'na bulu-bulué, dé' nariyulléi subbui.

Masennangngi tau iya mapaccingngé atinna; naissengngi matu mennang Allataala.

Masennangngi tau iya muddaniyé pogau'i élona Allataala; ripaggenne'i matu apparelluwanna mennang ri Allataala!

Iyakiya makkekkuwangngé makkeda-Ka ri iko: amaséiwi sining balimmu, sibawa assempajangengngi sining tau iya cellaé'kko

“Masennangngi tau iya marasa dé'é pakkullénna na banna maddennuwang ri Puwangngé bawang; anggotanai iyanaritu umma'na Allataala!

Masennangngi tau iya tiwié assidaméngeng ri yelle'na tauwé; riyakuiwi matu mennang ri Allataala selaku ana'-ana'-Na!

Masennangngi tau iya messé atié; risaléworiwi matu mennang ri Allataala!

Masennangngi tau iya nakennaé paccallang nasaba napogau'i élona Allataala; anggota umma'nai Allataala!

Masennangngi tau iya mamaséiyéngngi tau laingngé; riyamaséi towi matu mennang ri Allataala!

Asennakko rékko ricellako, ricalla, sibawa ripétenna nasaba Iyya. Nabi-nabi iya tuwoé ri yolomu pura towi ricalla pada-padaéro. Mariyoriyono sibawa marennu, saba' battowai saromu iya napassadiyangengngékko Puwangngé.”

Masennangngi tau iya pakariyawaéngngi atinna; narupaiwi matu Allataala jancin-Na lao ri mennang!

“Ikona iyanaritu pejjéna linoé. Rékko makawai pejjé, weddigga ripejjéi paimeng? Dé'na gaga gunana, sangadinna riyabbéyang mani naléjja'-léjja'i tauwé.

Ambo'mu ri surugaé namaséiwi sininna tauwé sibawa sukku. Harusu' tokko makkuwaro.”

Akkedako bawang, ‘Eyyé’ iyaré'ga ‘Dé'’ – lebbi naiyaro poléi ri Ibillisi'.”

“Muwisseng makkedaé engkato pappagguruwang pada-padaéwé: mata risulléi mata, isi risulléi isi. Iyakiya makkekkuwangngé makkeda-Ka lao ri iko: Aja' muwakkabale lao ri tau pogau'é ja lao ri iko. Sibalé'na rékko naleppa'i tauwé pili ataummu, leppessangngi siya naleppa towi pili abéyomu.

Rékko mata ataummu nassabariko madosa, cukkéi namuwabbéyangngi iyaro mataé! Lebbi kessing muwi teddéng sala séddinna anggota tubummu naiya sininna tubummu riyabbéyangngi ri laleng ranakaé. Rékko lima ataummu nassabariko madosa, rette'i namuwabbéyangngi iyaro limaé! Lebbi muwi teddéng siwali limammu naiya sininna tubummu muttama' ri ranakaé.”