Popular Bible Verses from MATIUS 16

Share

Nainappa makkeda Yésus lao ri ana'-ana' gurun-Na, “Tau maéloé maccowéri-Ka, harusu'i nallupai apentingeng aléna, naéssangngi sallina, namatteru maccowéri-Ka.

Rimakkuwannanaro issenni, ikona iyanaritu Pétrus, batu masse'é. Na ri yasé'na pallangga batuéwé maélo Upatettong garéja-Ku, iya dé'é nawedding ricau; namuni amaténgngé!

Namaélo-Ka mpérékko goncinna Lino Barunna Allataala. Aga muwattéyang ri linoé, riyattéyang towi ri surugaé. Na aga mupattongeng ri yasé'na linoé, ripattongeng towi ri surugaé.”

Saba' tau iya maéloé méwaiwi atuwonna, ateddéngengngi matu atuwong. Iyakiya tau iya mappésonangngéngngi atuwonna untu' Iyya, nalolongengngi matu.

Aga sarona lao riséddié tau, rékko sininna linoéwé mancajiwi appunnangenna iyakiya teddéngngi atuwonna? Weddigga atuwongngé risélé sibawa anu séuwaé?

“Iyakiya manuru' iko, niga Iyya'é?” pakkutanana Yésus ri mennang. Nappébali Simon Pétrus, “Bapa' iyanaritu Arung Pappassalama'é, Ana'na Allataala Iya Tuwoé.”

Nakkeda Yésus, “Maupe' senna'ko Simon, ana' Yona! Saba' tenniya tolino paissengiko gau'éro, sangadinna Ambo'-Ku ri surugaé.