Popular Bible Verses from MATIUS 10

Share

“Pénessaiwi iyaé: Ukirikko pada-pada bimbala'é ri tengnga-tengngana asu ale'é. Harusu'ko matike' pada-pada ulaé sibawa matinulu pada-pada jangang-jangangngé.

Tau linrungiyéngngi atuwonna, ateddéngengngi matu atuwonna, iyakiya tau iya ateddéngengngé atuwong nasaba matinului ri Iyya, nalolongengngi matu atuwonna.”

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

Sibawa tau dé'é namaélo méssangngi sallina nanaccowéri-Ka, dé' nasitinaja mancaji ana' guruk-Ku.

“Nigi-nigi mangakuiwi ri yolona tau maégaé makkedaé maccowéi ri Iyya, Uwangakui towi ri yolona Ambo'-Ku ri surugaé. Iyakiya nigi-nigi massakkarekka ri yolona tau maégaé makkedaé maccowéi ri Iyya, Uwassakkareng towi ri yolona Ambo'-Ku ri surugaé.”

Pajjappai sining tau malasaé; patuwoi sining tau iya mate'; pajjappai sining tau iya malasa oli mappakatautaué, sibawa paddésu'i sétangngé. Purani mutarima manenro sibawa cuma-cuma. Jaji abbéréyang towi sibawa cuma-cuma.

Rimakkuwannanaro aja' mumétau! Lebbi mangke'ko naiya manu'-manu' dongiéro!”

“Aja' muwasengngi makkedaé tiwi-Ka adaméngeng ri linoé. Dé' Utiwi adaméngeng, iyakiya assipangéwangeng.