Popular Bible Verses from LUKAS 13

Share

“Akkuragako muttama' lalo ri tange' macipié. Saba' éngngerangngi! Maéga tau makkuraga muttama' iyakiya dé' naulléi.

Kuwaro engka makkunrai iya seppuloénna aruwa taunna malasa, nasaba engka roh maja ri laleng aléna. Iyaro makkunraié bukku'ni sibawa dé' sisenna naulléi tettong lempu. Wettunna Yésus mitai, gorani lao ri makkunraiéro, “Indo', leppe'no polé ri lasamu!”

Nainappa napalénne limanna Yésus ri yasé'na makkunraiéro, na iyatoro wettué natettong lempu nanapojiwi Allataala.

Sitongenna, engka tau poddimonri mancaji matu pammulang, na engka tau pammulang mancajiwi matu poddimonri.”

Wettunna moto punna bolaé sibawa nasului tange'na, tettokko ri saliweng namumammula maggetto-getto sibawa makkeda, ‘Puwang, timpakekki tange!’ Nappébali matu iyaro Puwangngé, ‘Dé' uwissekko, polé kégao!’

Dé' sises-siseng! Siseppi Upowada: Rékko dé' mutoba' polé ri dosa-dosamu, maté maneng tokko matu pada-pada mennang.”

Iyakiya makkedai matu iyaro Puwangngé, ‘Dé' uwissekko polé kégao. Addésu'no, iko pogau'éngngi majaé!’

Nakkutana Yésus, “Rékko mapparéntai Allataala, pékkugi keadaanna? Aga wedding Upappadaiyangngi? Keadaanna pada-pada pakkalarapang mangoloéwé. Séddi batu sawi nalai séddié tau nainappa nataneng ri dare'na. Iyaro batu sawi-sawié tuwoi namancaji pong ngaju, naébbuna sarang manu'-manu'é ri takké-takkéna pong ngajuéro.”