Popular Bible Verses from YESAYA 6

Share

Nainappa uwéngkalinga saddanna PUWANGNGE makkeda, “Niga Usuro matu? Niga matu mancaji pattiwi birittatta?” Umappébali, “Iyya'na. Suroka!”

Mangobbii mennang séddié lao ri laingngé: “Mapaccing, mapaccing, mapaccing. Mapaccingngi PUWANG Iya Pommakuwasaé. Pennoi linoé ahadéréken-Na iya malebbié.”

Nainappa makkedaka, “Cilaka! Dé'na amménasanna ri aléku, saba' macarépai témukku nasaba dosa, namonroka ri yelle'na bangsa iya makkuwaéttoro. Namuni makkuwaro, nasibawang mata ulukku purani uwita Arungngé, PUWANG Iya Pommakuwasaé!”

Ri laleng taung namatéiyé Arung Uzia, uwitai PUWANGNGE. Tudangngi ri yasé'na kadéra arajan-Na iya matanré sibawa malebbié. Jumba-Na natongkoi sininna Bolana PUWANGNGE.

Nagéssai iwéku sibawa iyaro baraé namakkeda, “Iyaé baraé purani nagéssa iwému. Rileddani makkekkuwangngé asalammu sibawa dosamu purani naddampengeng PUWANGNGE.”

Ri mattulilin-Na tettongngi mahlu'-mahlu' iya malluwa'é pada-pada apié, tungke-tungke mappunnaiwi enneng panni. Duwa panni tongkoi rupanna, duwa tongkoi watakkaléna, sibawa duwa pannipa napakéi untu' luttu.

Nainappa sala séddinna iyaro mahlu'é luttu lao ri iyya tiwi bara iya natiwié sibawa passipi-sipi polé ri mézbaé.

Nainappa Nasuroka lao tiwii iyaé pasengngé lao ri umma'é: “Matteruko matu méngkalingai, iyakiya dé' najeppuiwi. Matteruko matu pénessaiwi, iyakiya dé' muwissengngi aga iya kajajiyangngé.”

Namakkeda-Na lao ri iyya, “Kunruiwi pikkiranna sining tauwéro, pataru-taruiwi daucculinna sibawa pabutai matanna, kuwammengngi aja' nakkita, maréngkalinga iyaré'ga majeppuiwi, nagiling ri Iyya sibawa majjappa.”