Popular Bible Verses from YESAYA 11

Share

Akuwasanna PUWANGNGE pimpingngi matu, pancajiwi engka akkalenna sibawa mapanré, macca mala apettung sibawa pogau'i; missengngi élona Allataala sibawa métau ri Aléna. Asennangenna iyanaritu mapato lao ri PUWANGNGE. Dé' namangadélé sikédé mata iyaré'ga situru adanna tauwé.

Akkarungenna Arung Daud pada-padai aju iya puraénna ritubbang. Iyakiya pékkugi polé ri tona tuwoi cura' baru, makkuwatoro polé ri wija-wijanna Daud mompoi matu séddi arung.

Naadélékiwi tau kasiyasié sibawa adélé, tau iya dé'é pakkullénna naadélékiwi sibawa malempu; tau pasalaé nahukkungngi nasaba paréntana, napaccappui tau majaé.

Tinda'i sibawa adélé nenniya matinulu ri laleng sini-sininnaé.

Ri Sion, Bulu-bulu Mapaccinna Allataala, dé'gaga maja iyaré'ga pasolangi. Pennoi matu wanuwaé pangissengeng passalenna Allataala, pada-pada uwai pennoiwi tasi'é.

Asu ale'é monroi matu silaong bimbala'é, macang tutul-é léwui ri seddéna bémbé'é. Mabbellai matu ana' sapingngé silaong ana' singaé, sibawa ana' baiccu'é tinrosiwi mennang.

Narapii matu wettunna séddi arung wija-wijanna Daud mancaji poko' perhatiyanna bangsa-bangsaé. Poléi matu mennang ri aléna, sibawa onrong naonroiyé ripoji-pojiwi matu.