Popular Bible Verses from ASSURENG 3

Share

Nakkeda Allataala, “Iyya iyanaritu IYYA ENGKA. Iyanaé harusu mupowada lao ri bangsa Israélié, Aléna iya riteppué IYYA ENGKA, pura suroka lao ri iko.

Nappébali Allataala, “Utulukko matu. Sibawa rékko purani mupassu iyaro bangsaé polé ri Maséré, massompako matu lao ri Iyya ri buluéwé. Iyanaro buttinna makkedaé Iyya suroko.”

Nanakkeda Allataala, “Aja' mumacawé. Ludungngi sandala'mu, saba' tettokko ri tana iya mapaccingngé.

Nanakkedana PUWANGNGE, “Uwitani anrasa-rasanna umma'-Ku ri Maséré, sibawa méngkalingai mennang gora méllau ripaleppe polé risining tau iya tenre'éngngi mennang. Sitongenna, uwisseng maneng anrasa-rasanna mennang. Rimakkuwannanaro nonnoka untu' paleppe'i mennang polé ri limanna tau Maséré'é sibawa tiwii mennang massu polé ri wanuwaéro mattuju riséuwaé wanuwa iya malowangngé. Tanana sugi sibawa macommo, namakkekkuwangngé naonroiwi bangsa Kanaangngé, bangsa Hét-é, Amorié, Féris-é, Héwié sibawa Yébus-é.

Kuwaniro nappaitang aléna malaéka'na PUWANGNGE lao ri Musa ri laleng luwa api iya massué polé ri tengnga-tengngana alekale'é. Naitani Musa iyaro alekale'é malluwa, iyakiya dé' naanréi api.

Makkekkuwangngé iko Usuro untu' mangolo ri arung Maséré kuwammengngi weddikko pimpingngi bangsa-Ku massu polé ri wanuwaéro.”