Popular Bible Verses from PAKKATOBBA 11

Share

Péneddingini wettu malolomu, éh kallolo! Arennuno ri wettu malolomu mupa. Pennoiwi sininna cinnana nyawamu, pogau'ni sininna niya' atimmu. Iyakiya éngngerangngi, Allataala iya engkaé ri surugaé, naadélékiwi matti sininna tindakammu.

Paddésu'i abata-batangngé sibawa sussaé polé ri atimmu, nasaba wettu malolomu masitta'i labe.

Niga mattajeng narapi angingngé sibawa hawaé sukku, dé' matu namattaneng sibawa dé'to nalolongeng wassélé.

Allataala mébbui sini-sininnaé, na tolinoé dé' naulléi pahangngi tindakan-Na; makkuwatoro dé' najeppuiwi tuwona atuwong mabarué ri laleng tampu'na séddié indo'.

Ampoi binému ri éléé sibawa aja' muwappésau ri wennié. Saba' dé' taissengngi ampo kégaénna makessing tuwona. Naulléto tuwo duwai sibawa sukku.

Tanengngi modala'mu ri maddupa-rupang dangkangeng; sappano usaha singngéga-égana. Saba' parellui tauwé jaga-jaga, ri wettu dé'napa napakenna abalaé.