Popular Bible Verses from ULANGENG 30

Share

Makkekkuwangngé weddingngi mupilé ri yelle'na atuwongngé sibawa amaténgngé, barakka'na PUWANGNGE sibawa tanro-Na. Langié sibawa tanaé uwobbi mancaji sabbi ri apettummu. Piléi atuwongngé. Eloriwi PUWANG Allataalamu, apatoiwi, sibawa atinuluno ri aléna. Na iko sibawa wija-wijammu tuwoi matu sibawa malampé sunge ri wanuwa najjanciyangngé PUWANGNGE lao ri néné-nénému, Abraham, Ishak sibawa Yakub.”

Iyaé essoé uparéntakko untu' méloriwi PUWANG Allataalamu sibawa mapato ri Aléna nenniya pogau'i sininna hukkung sibawa parénta-Na kuwammengngi mumadécéng sibawa mancaji bangsa iya battowaé. PUWANG Allataalamu barakkakiko matu ri wanuwa iya dé'énna namaitta mutudangiwi.

Iyaé essoé weddingngi mupilé ri yelle'na makessingngé sibawa majaé, atuwongngé sibawa amaténgngé.

Aja' mumakkutana makkuwaro, nasaba iyaro paréntaé macawé senna ri iko. Muwissenni sibawa muwullé mapala'i, jaji mupogau' mani bawang.

Iko sibawa wija-wijammu riwéréng matu ati iya mapatoé, angkanna muéloriwi PUWANG Allataalamu sibawa sukku atimmu namulléi matteru monro ri wanuwaéro.

PUWANG Allataalamu mébbui matu sininna usahamu papolé wassélé; mappunnaiko matu maéga ana' sibawa maéga olokolo; sining dare'mu mabbéréi matu wassélé maonaé. Masennangngi atinna PUWANGNGE pancajiko madécéng, pada-padato masennangngi mpéréngngi adécéngeng néné-nénému.

Iyakiya rékko dé' mumapato sibawa dé' mumaélo méngkalingai, sibawa leppessangngi alému ripapusa untu' massompa déwata-déwata laing, pasti ripaccappuko, sibawa umuru'mu dé' namalampé matu ri wanuwa iya dé'énna namaitta mutudangiwi. Engngerangngi! Iyaro gau'é purano upaissengi essoéwé.

Parénta iya uwéréngngékko dé' namawatang senna sibawa dé'to namabéla.

Onronna tenniya ri langié, angkammu makkeda, ‘Nigana maélo ménré kuwaro untu' malangekki, kuwammengngi riyulléi méngkalingai sibawa turusiwi?’

Onronna tenniyato ri liweng tasi, angkammu makkutana, ‘Niga maélo lao ri liweng tasi untu' malangekki, kuwammengngi riyulléi méngkalingai sibawa turusiwi?’