Popular Bible Verses from ULANGENG 28

Share

“Rékko muturusiwi PUWANG Allataalamu sibawa matinulu pogau'i sininna parénta iya uwéréngngékko iyaé essoé, napancajiko matu bangsa iya tarompoé ri linoé.

Turusiwi PUWANG Allataalamu, nariwérékko matu sininna barakka'éwé

PUWANG Allataalamu pancajiko matu pamimping ri yelle'na bangsa-bangsaé, tenniya ana' guru. Rékko matinuluko turusiwi sininna paréntana PUWANGNGE iya nawéréngngékko iya essoéwé, pédé madécékko matu sibawa dé' naengka musoro.

Napateppai matu PUWANGNGE bosié ri wettunna polé ri onrong attaronna iya maonaé ri langié. Nabarakkakiwi matu sininna usahamu, angkanna weddikko mappainreng lao ri maéga bangsa, iyakiya iko dé' naparelluko minreng.

Rékko rigasako, PUWANGNGE matu caui balimmu. Nagasako matu mennang secara taratoro', iyakiya lariwi sibawa tassiya-siya.

PUWANG Allataalamu matu barakkakiwi usahamu sibawa lisekiwi sining lappomu sibawa gandong. Nabarakkakiko matu ri wanuwa iya Nawéréngngékko.

Ribarakkakiwi sininna usahamu.

Ribarakkakiwi kota-kotamu sibawa sining dare'mu.

Ribarakkakiko, angkanna maéga ana'mu, wassélé tanamu maonai sibawa saping nenniya bémbé bimbala'mu maégai.

Rékko muturusiwi PUWANG Allataalamu sibawa pogau'i sininna parénta-Na, napancajiko matu umma'-Na, pada-pada iya Najjanciyangngé.

Ribarakkakiwi éngngalang gandommu nenniya inanré iya muwébbué polé ri gandongngéro.

Riwérékko matu maéga ana'. Maégai matu olokolo'mu sibawa wassélé tanamu maonai ri wanuwa iya Najjanciyangngé PUWANGNGE lao ri néné-nénému untu' Nawérékko.

Nasininna bangsaé ri linoé naitai matu makkedaé iko bangsa napiléna PUWANGNGE, sibawa naétauriko matu mennang.

Iyakiya aja' sises-siseng muwallupaiwi iyaro parénta-paréntaé sibawa muwi cara maga. Aja'to mumassompa sibawa mattumani lao ri déwata-déwata laingngé.”

“Iyakiya rékko dé' muturusiwi PUWANG Allataalamu, sibawa dé' mumatinulu pogau'i sininna paréntana sibawa hukkun-Na iya uwéréngngékko essoéwé, sininna iyaé tanroé nakennako matu