Popular Bible Verses from RIWAYA'NA RASUL-RASUL-E 2

Share

Nappébali Pétrus, “Toba'no polé ri dosa-dosamu sibawa sitinajako tungke'-tungke' ricemmé ri laleng asenna Yésus Kristus, kuwammengngi nariyaddampengeng dosa-dosamu. Namutarimai matu hadiya Rohna Allataala polé ri Allataala.

Namatinuluna mennang magguru matteru ri rasul-rasul-é sibawa tuli silaongngi maddeppungeng. Sisamai mennang manré enrengngé massempajang massibawa.

Rikuwasai manenni ri Rohna Allataala, sibawa mappammula mabbicara ri laleng maddupa-rupang basa laing. Mabbicarai mennang situru aga nabbéréyangngé iyaro Roh-é lao ri mennang untu' napowada.

Tappa méngkalingani oni polé ri langié pada-pada anginrajaé mangiri. Bola iya naonroiyéro sining tauwé tudang penno manenni sibawa iyaro onié. Nainappa mitani mennang lila-lila luwa' api massanra kégi-kégi sibawa léppang ri tungke'-tungke' mennang. Rikuwasai manenni ri Rohna Allataala, sibawa mappammula mabbicara ri laleng maddupa-rupang basa laing. Mabbicarai mennang situru aga nabbéréyangngé iyaro Roh-é lao ri mennang untu' napowada.

Esso-esso mennang maddeppungeng ri Bolana Puwangngé; enrengngé sisamai manré sibawa marennu kuwaéttopa pakariyawai aléna ri bolana mennang. Matteru-terui mennang napoji Allataala sibawa ripoji risininna tauwé. Esso-esso pédé' tattambai jumellana mennang nasaba Puwangngé mpéréngngi mennang sining tau iya ripassalama'é.

Makkedai Allataala, ‘Ripaccappurenna linoé Upanurungengngi matu Roh-Ku ri yasé'na sininna tauwé. Ana'-ana'mu worowané sibawa ana'-ana'mu makkunraié powadakko matu gau'-gau' iya Upaissengiyéngngi mennang. Sining tau malolomu naitai matu gau'-gau' iya Upaitangngéngngi mennang. Sining tau macowana mannippiwi matu passalenna nippi iya Uwéréngngéngngi mennang.

Iyaro sining tau mateppe'é matterui masséddi maneng sibawa aga nappunnai mennang, napakéi mennang massibawa. Barab-baranna sibawa waramparanna, nabalu'i mennang, nainappa nabagé-bagé dowina ri yelle'na maneng mennang situru apparelluwanna tungke'-tungke'.

Iyaro wettué, tau iya mangobbié ri Puwangngé ripassalama'i matu.’

Mapettangngi matu mata essoé, macella'i matu kétengngé pada-pada daraé riwettu dé'napa Essona Puwangngé, Esso iya battowaé sibawa malebbiéro polé.