Popular Bible Verses from Markus 1

Share

Sibarembenkenna, langat dèng, kèkè mo Jesus menadingken bages i. Laus mi sada bekkas melongo i ruar kuta janah mersodip mo Ia i sidi.

Nina mo, “Enggo dapet katikana imulai Dèbata Kerajaenna. Tobat mo kè ibas dosa-dosa ndènè nai, percaya mo kènè mi Sukuten Simerandal bai Dèbata nai!”

Karuar kessa Jesus i laè idi nai, iidah mo mbuka langit janah Tendi Simbadia susur mi babona bagè rumang ndarapati. Nai terdengkoh mo sora i langit nai mendokken, “Kono ngo AnakKu kekelengenKu, lemmo ngo atèngKu midah kono.”

Laè ngo kuperidiken bai ndènè, tapi ukum Ia, iperidi ngo kènè merkitè Tendi Dèbata.”

Idokken Jesus mo taba kalak idi, “Èkutken mo Aku. Naing Kuajari ngo kènè menjala jelma.” Nai mènter itadingken kalak i mo jalana lako mengèkutken Jesus.

Lengang ngo kalak karina simendengkoh carana mengajar. Ai merseppuh ngo pengerananNa, oda bagè guru agama sidèban.