Popular Bible Verses from 1 Musa 27

Share

Dak iberèken Dèbata mo bamu hembun i langit nai, asa gabè nggabur karina jumamu. Iberèken mo bamu pagè dekket anggur lahlah kalohon. Karina bangsa gabè hambamu janah karina marga tunduk bamu. Kono mo mengerajai karina kaka-anggimu, janah pinempar inangmu sujud i hadeppenmu. Kenna sempetta mo karina kalak simenumpahi ko, janah terolih pasu-pasu mo karina kalak simemasu-masu ko.”

Idokken si Esau mo, “En mo padua kaliken ia menipu aku. Patut ngo keppè si Jakob gerarna. Hakku situaen pè enggo ibuat; bagèndari enggo ma ibuat pasupasu bangku kin. Oda nè ngo lot bamu alè pa pasu-pasu sidèban lako bangku?”

Kessa i idokken si Isak nola mo, “Oda lot hembun i langit nai lako bamu, Oda lot nggabur tanoh mahan jumamu. Nggelluh mo ko ipas peddangmi nai, tukasi pè kono gabè naposo anggimu, tapi mula mengalo kono, maluah mo kono ipas kuasana nai.”

Tapi oda uè mentadi si Esau lako mengido taba bapana, “Pellin sada bagè ngo kessa pasu-pasumu pa? Pasu-pasu ma mo aku pa.” Nai tangis nola mo ia.