Popular Bible Verses from Markus 5

Share

Jepga Yesus wini jeiserem ga bili, “Am tane, aamei Ai As imes tebana waakenfer, jega jem temawer aamei gase waakenswe. Gase sofwe waakenfer.”

Angtane unggwanfer jeiserem jem nenennabe, wini aasaje ga bwernabara. Aawis fwa jemna jeber-jeber domolwena tahunu dua belas. Jei doini jemna seyafter doktorf kitulbowena, obata mese ane apgal jigala nafsi jem armantababili enggalfe jei bwernawer jem gam waakenswef. Jengga masef, jei jam waakensweyan bwernawer. Bwerna jemna jeber-jeber unggwandwaswebili.

Jes jeberserem aawisi ga tikwebili, jena ga enola bwerna jemna barwebilirim.

Jepga Yesus tane jeiserem tafna jemna ga taayibitena, ane Ibrani olem ga bili, “Talita kum,” afa nem olem ga enggam, “Wai tane, Ai ims bili, jas irwe!”

Jes jepserem Yesus ga gemer nasowena, angtane Yairusem jenawer aa jei ge jalbilirim, ga aa ge forobitye, Yairus ga aane bala, “Tane imna futu. Aamei Yesus gamjon ijam balyan im jenap jam gwife.” Yesus jame aa sarbabilirim, jengga Jei jewer Jam irfweyan. Jei Yairus ga bala, “Aamei ipsam ernerem! Amse sarba, Amter is tebana.”

Angtane jeiserem jei Yesus bijauwer jam aa galap damtanaram, jei ga nunggiryele Yesusminibe, jepga somwan dumem ga nwintena Yesusem danggonawer, Yesus ga sembatana. Yesus bwat kapka ga bili, “Aamei bwat kabwak, jase totinye angtane aaiserem jemniwer!” Bwat kapka jeiserem ititmer ga nasowena, “Aamei amnibe as Ibas eyeibefe, o Yesus Tane Uwa Sanbagirmana, Uwa Sanbagiri angtane aa jes ne gaartenaram tagarsusup? Bosna Uwa Sanbagirmana, ai Ims bala, Aamei ai ase Ijam tamtamtayan!” Jepga Yesus angtane jeiserem ga tenebana, “Imna bosna nansa?” Jei ga tamawola, “Bosna amna ‘Unggwanfer’, aam temawer aiba unggwanfer jemnibe.”