Popular Bible Verses from Lukas 19

Share

ane Ai Tane Angtanemana, Ai ogiri aaiserem jebe enggalf Ai fortya angtane aamei galserem Uwa Sanbagirminiwer jena aa jei ne bijausonaram Ai Ajes terelbaabif, Ai angtane jeiserem Ai ga Ajes waakentababisif.”

Jei ga naawewena: “Uwa Sanbagiri Jei waakena Jelemanaiserem gase gulbana Jebe, Raja aa Jei fortyaram Tuhanem boseme! Au, nei Uwa Sanbagiri ganma pujite uskambar! Jei nei nes waakentababisini! Jei waakensusu; Jei taman waaken-girip nwini, tamna bwalesususerem.”

Ane Yesus ga gutena, “Nunu aaiserem jeme, aamei ane wi tane imna seyafter gemerserem, Uwa Sanbagiri etam-etama imna seyafter is mes wirtabaipmini, ane gwela ibirmi is mes golmini ibe. Ai waakena Amnaiserem ibe is Amesam golmini, aam temawer aameiba asal-asala Abrahammanam

Yesus Jei Jame aa galap fortyaram tini jeiserem jebe, Jei ga anggaswena, ane Sakeus ga damtaswena. Ane Yesus ga balswena, “Sakeus, tatar jase ireya! Ai namwer im jenap Ajam forof, ane Ai ibar ge nwinf.” Sakeus jei tatarmer ga iretya, ane Yesus ga tebana ini saaser-saasersusmer, ane jei nawersamer ga aa ge gwina Sakeusem jenabe.

Jepga Sakeusem jenabe, Sakeus ga fyatena angtane uskambar jeiserem jem mukanabe, ane Yesus ga bala, “Tuhan, ai amse sarbasi! Ai etam-etamawer as irfwena. Ai galgala amna nenennaber as waksosini, ane afwer ga angtane galgalyenaiserem jep as kitulmini. Ane angtane ai ajes afaftababuwenantam doini jemna agam tamserenbaipmuwenantam, ai doini jemna gamjon as warautabaipmini jebe, nawer-nawermer.”

Angtane safna Farisimana afweraiserem angtane unggwanfer jeiserem jemniwer, jei Yesus ga aane bala, “Guru, angtane Aamei Is jei ne tikwebaatinennerem jes balbabi, jei jas uftabi!” Yesus ga tamawolbaabili, “Ai ims towas-towastababili, afa jei jam sege tikwebilirim Ams pujitelewer, gam jega Uwa Sanbagiri gase eyebili jega tuna aaiserem jei ga Ai ga Asene pujitene.”