Popular Bible Verses from LUKAS 8

Share

D̄ei ma mab̄u d̄i dana ma ngawa b̄une santika dou ma ringa haba ede, edempara wi'ina d̄ei adena ma taho ra rombo. Siad̄oho natenggo sampe mbuakaina.”

D̄ei ma mab̄u d̄i ade woha mpori rui b̄une santika dou maringa haba ede, pala nambali mbua adena mab̄oha mori ra woko siad̄oho ro ne'ena mori ra woko ma'ipi taho poda ro sanakai d̄i ade dunia ake. Sara'ana ede ma'apina siad̄oho ndad̄ikaina wati mbuana wua ma ntasa.

D̄ei ma mab̄u d̄ihid̄i mbotokai b̄a wadu b̄une santika dou ma wakatu ringana haba ede, tarimana kai adena mataho. Pala haba ede wati ciana d̄i ade siad̄oho. Siad̄oho imbina cuma samporompa, ro wakatu mai coba'a, siad̄oho murta.

Edempara nggahi Ruma Isa d̄i anamori-Na, ”B̄ab̄au nggomid̄oho wati imbikaimu d̄i Nahu?” Siad̄oho ndad̄i midi poda adena ro dahu. Ro nggahira siad̄oho d̄i sab̄ua lab̄o sab̄ua dou, ”Couku sapodakaina dou ake sampe loana parenta angi ro balumba, ro nab̄atuku nggahi Sia!”

D̄ei ma mab̄u d̄i ncai b̄une santika dou-dou ma ringa nggahi ra eli ede. Pala mai Ibilis ro weha rampana haba ede d̄i ade siad̄oho, loakud̄u siad̄oho aina imbina ro d̄i kasalama

Wati wara ma cili weki d̄i daloa d̄i eda; ro wati warana ra rahasia d̄imadahengga weki ro d̄idab̄ade b̄a dou.

Dou siwe ede kawarana weki b̄a one karawina ede wa'ura b̄ade. Ndad̄i sia maina kai b̄ib̄i sarumbuna edempara sujuna d̄i tando Ruma Isa. Edempara sia caritana d̄itando sara'ana dou, b̄ab̄auku sia d̄amakaina Ruma Isa, ro b̄a one supuna taho wakatu ede wa'u. Nggahi Ruma Isa d̄i sia, ”Ana-Ku, b̄ara imbimu d̄i Nahu, nggomi tahora. Laora kai salama.”

Anamori Ruma Isa lao rakana Sia ro rod̄una Sia. Nggahi siad̄oho, ”Pa Guru, Pa Guru ihara ndaita!” Tu'u Ruma Isa edempara b̄akana angi ro balumba ma wunga mbani ede. Angi ro balumba ede rau dengga lalona edempara ndano ndad̄i midi poda.