Popular Bible Verses from LUKAS 6

Share

Mbeipu d̄i dou makalai, loakud̄u Ruma Hatalla rau mambei nggomi; nggomid̄oho d̄imatarima rambei maremba-remba ma wa'ura taka rase d̄i ru'u nggomid̄oho. B̄ara taka rakana b̄a nggomid̄oho d̄i ru'u b̄a dou makalai d̄i kani b̄a Ruma Hatalla d̄i ru'u nggomid̄oho.”

Dou ma taho nakalosaku lampa rawi mataho b̄ara adena rembakai b̄a rawi mataho. Dou ma iha nakalosaku lampa rawi ma'iha b̄ara adena b̄ini kai b̄a rawi ma iha. B̄ara au rarenta b̄a asa edeku ma remba rad̄i adena.”

Sapodakaina laina ndede! Pala nggomid̄oho ndakeku pab̄uapu meci ra ca'u musumu ro karawipu mataho d̄i siad̄oho. Nggomid̄oho pab̄uaku mbeimu sepe, ro aina kade'emu d̄i mambali. Makarawisi b̄une ede, ufamu d̄imana'e ro nggomid̄oho d̄imandad̄i ana-ana Ruma Hatalla Ma Wancu D̄ese Ra Ntasa. B̄ara Ruma Hatalla nataho adena d̄i dou-dou ma dantau tarima kasi, ro d̄i dou ma iha rau.

Pab̄uapu nggomid̄oho kasi ade angi b̄une Amamu makasi ade rau!”

”Aina kancaramu dou makalai, b̄ab̄aina ndai nggomid̄oho wati d̄ikancara b̄a Ruma Hatalla. Aina hukumu dou makalai, loakud̄u ndai nggomid̄oho wati d̄ihukum b̄a Ruma Hatalla. Kangampu weapu dou makalai, loakud̄u Ruma Hatalla rau makangampu wea nggomid̄oho.

”Pala d̄i ru'u b̄a nggomid̄oho maringa ra kade'e nggahi Nahu wunga ake, Nahu mangoa wi'imu ake: meci ra ca'upu musu-musumu, ro karawipu mataho d̄i dou-dou ma daca'umu. Do'a mbeipu bareka d̄i dou-dou ma sumpa ka'ihamu, ro do'a weapu d̄i dou-dou ma iha d̄i nggomi.

Karawipu mataho d̄i dou makalai b̄une d̄i ne'e b̄a nggomid̄oho karawi b̄a dou d̄i weki ndaimu.

Nggara natopasi b̄a dou rawemu ma sab̄ae, co'opu sia topana rawemu ma sab̄ae rauna. Naweha rampasi jumbamu, mbei raupu b̄ajumu. Narahosi b̄a dou au-au d̄i nggomi, mbeipu ede d̄i sia; ro narampasi ntaumu, aina raho mbalimu.

”Fu'u haju ma ngawa wati mbuana wua ma iha. Ndede rauja fu'u haju ma wati ngawa wati mbuana wua ma taho.

Sanikina fu'u haju mapataku d̄i wuana. Humpa rui wati mbuana wua ara, ro mpori rui wati mbuana wua anggo.