Popular Bible Verses from LUKAS 14

Share

”Nggara dou namaisi d̄i Nahu, pala nancewipu meci ra ca'una inana, amana, weina, anad̄ohona, sa'e ra arid̄ohona, kone sarumbu ndaina, sia wati loana b̄atu Nahu.

Dou ma wati ngawa tundu salibna ro b̄atuna Nahu, wati loana d̄imab̄atu Nahu.

B̄ara sanikina dou ma ka'ese weki d̄i ka'awa, pala ma ka'awa weki d̄i kad̄ese.”

Cumpukaina nggahi Ruma Isa, ”Ndede rau nggomid̄oho. Wati kone sab̄ua dou d̄i ade weki nggomid̄oho d̄imaloa b̄atu Nahu, nggarasi sia watisi koroba sara'ana au-au.”

Nggara sab̄ua dou d̄i ade weki nggomid̄oho mane'e tu'u sab̄ua uma d̄ese, tantu sia nadoho reke wa'uku piti d̄i tu'ukai loakud̄u sia b̄adena sab̄ua piti rasadia nancihi d̄i kanggorikai uma d̄ese ede atao wati. B̄ara watisi wa'u b̄a sia kanggorina, sapodakaina dasa wa'ura ndawi, ndad̄i sara'a dou ma edana rawi ede d̄imaharikaina. Siad̄oho d̄imanggahi, ’Ii, dou ake natu'u uma, pala wati wa'una kanggori!’

Ndad̄i, makarawisi ndiha, undapu dou mancoki mori, dou mampako ra mpedu, dou mamade b̄inci, ro dou mambuda. Nggomi d̄i mbei bareka, b̄ara dou-dou ede wati loana cepe ratahomu ede. Rawimu mataho ede d̄i cepe b̄a Ruma Hatalla wakatu dou-dou ma taho rakamori mbali rad̄i madena.”

”Sia ede taho, pala nandad̄isi cab̄a, sab̄ua loaku d̄i kandanga mbali? Watira wara one walina, nataho d̄i ru'u b̄a oma ro d̄i ru'u b̄a pupu. Ndad̄i d̄i pakimpa. Nggara mantausi fiko, ringa ra kade'epu!”