Popular Bible Verses from YAHYA 15

Share

Nahuku fu'u anggo, ro nggomid̄oho sanga-sangana. Dou ma ngge'empa sab̄uana lab̄o Nahu ro Nahu lab̄o sia, d̄imambua mboto; b̄ara watisi b̄a Nahu, nggomid̄oho wati loamu karawi au-au.

Ngge'epu sab̄ua lab̄o Nahu ro Nahu rau mangge'empa sab̄ua lab̄o nggomid̄oho. Sangana wati loana mbua ndaina, selasi nggara nambuipusi d̄i fu'una. Ndede walija nggomid̄oho maloa mbua, nggara ngge'empa sab̄uamu lab̄o Nahu.

Nggomid̄oho mambuipusi sab̄uamu lab̄o Nahu ro rangoa ra tei b̄a Nahu ngge'e d̄i ademu, rahopu d̄i Ama au-au d̄i ne'e b̄a nggomid̄oho; rarahomu ede d̄i mbei wea.

Laina nggomid̄oho ma kad̄ale Nahu. Nahuku ma kad̄alena nggomid̄oho, ro makau lao nggomid̄oho d̄imambua mamboto – wua-wua ma daloa leli. Ndad̄i Ama d̄imambeina d̄i nggomid̄oho au-au raraho b̄a nggomid̄oho d̄i Sia kai ngara Nahu.

Dou ma ipi poda meci ra ca'u sobad̄ohona eded̄u dou ma mbei mori rad̄i ru'u b̄a siad̄oho.

Sanikina sanga Nahu ma wati mbua, nadompoku b̄a Sia, ro sanikina sanga ma mbua, ro'ona d̄ikalao sarundena b̄a Sia loakud̄u nanaha ipi wali mboto wuana.

Akeku d̄i kaukai b̄a Nahu: Meci ra ca'upu d̄i sab̄ua lab̄o masab̄uana, sama b̄une Nahu mameci ra ca'u nggomid̄oho.

Nggara mbotosi karawi mataho b̄a nggomid̄oho, Ama-Ku d̄i kad̄ese ra kantasa; ro kai ndedena nggomid̄oho poda-poda ndad̄i anamori Nahu.

Nggahi wali Ruma Isa, ”Nahuku fu'u anggo ma sapodakaina, ro Ama-Ku eded̄u makarawi nggarona.

Dou ma wati mbuipu sab̄uana lab̄o Nahu, d̄ipaki b̄une sanga haju, edempara ndad̄i mango. Sanga-sanga b̄une ede d̄ikab̄oro ro d̄ipaki d̄i ade afi, edempara d̄i ka'a.

Sara'ana ake ngoa b̄a Nahu d̄i nggomid̄oho, loakud̄u sana ade Nahu wara d̄i ademu, ro sana ade nggomid̄oho mandad̄i mpuruna.

Nggara kalampasi b̄a nggomid̄oho rakaukai b̄a Nahu, nggomid̄oho ngge'empa to'amu d̄i meci ra ca'u b̄a Nahu, sama b̄une Nahu mangge'empa to'a d̄i meci ra ca'u Ama b̄ara kalampaku rakaukai-Na.

Akeku d̄i kaukai b̄a Nahu d̄i karawi b̄a nggomid̄oho: Meci ra ca'upu d̄i sab̄ua lab̄o sab̄uana.”

Pai nggomid̄oho ntau dunia, nggomid̄oho d̄i meci ra ca'u b̄a dunia kai ntauna. Pala Nahu wa'ura kad̄aleku nggomid̄oho d̄i dunia ake, ndad̄i nggomid̄oho lai walina ntau dunia. B̄ara ndedena dunia wati ca'ukaina d̄i nggomid̄oho.