Popular Bible Verses from MARKUS 13

Share

Komuyu minosikiton doi sasaibino komian sabab komuyu Kupololaing. Bai komian mo bataanggon polong doi napupusan, naikon sinalamaton.”

Jadi komuyu sio pobada-badagai tukon pobaingotii, sabab komuyu aki potoiyo oila kotempono.

Tukon kalu komuyu linako tukon binaba doi sambu, inai pomatakut tentang oila komuyu mo bantile. Kalu laatemo kotempono komuyu mobasilingan, bantile kai oila komo pinopitoikon doikoo doiya kosinggatoo. Sabab bantilan-bantilan komuyu mo bantiledoo bolikon mubantilan susuumu, bai lubat doi Mian Bisa Na Roh.

Timbu tukon buta naikon lapus, bai Daku bantilan tataap sidutu-posidutukon.”

“Mau kai nabuno doiya, kiyo komeeng komian motoiyo kooloyono kai kojaamo. Malaekat-malaekat doi surgaa aki tukon Paudoo aki, tongo Tama komo toiyo.

Kalu komuyu molongol sinapan-sinapan alalo doi paraangan tukon bilita poakatean, inai pomatakut. Do lobo-lobodoo sio nateali, bai doiya aki naberarti baikon laatemo kona kiamatan.

Tobikon doiya komuyu sio pobada-badagai, sabab komuyu aki potoiyo oila kooloyono do bonua tumbunodoo naikon kona abalian – uga-ugaate doi nakinobianan, ugaate doi popook tangano, ugaate doi oloyo naalanian komodoa, kai doi oloyo nasumbotan. Kalu sosinggoton Yana lubat, inai Yana nalaate komuyu daano momoolo. Oila Daku binantil nia doikoo, Yaku bantile koidan doi sasaibino komian: pobada-badagai!”

Kobangsa meeng poakate tukon molawane kobangsa bailon. Negara bailon lobosio konegara bailon. Doi yayaa teali koleali tukon malaalan. Sasaibino doiya sodo natambuunan tolong, buno meeng koboine mo toupiyo kona masakitan doi namosuungan.

Bilita Monondok moluwedoi Mian Bisadoo sio nabinabilitakon looluk doi sasaibino kobangsa.

Badaang komian molubat tukon pakeyo Kosambunggu tukon bantile, ‘Yakumo Yana!’ maka kokoliiyo komian badaang.

Komuyu pobaingotii, sabab komuyu naikon linako tukon sinalakanggon doi pangadilan agama. Komuyu naikon binobokii doi bonua-bonua kaleda. Komuyu naikon binaba mangadap doi sambu-sambu tukon tomundo-tomundo sabab komuyu Kupololaing. Tukon doiyamo komu kasampatan sulano mumebee teteba doi yanila tentang Yaku.

Sabab pasalamat-pasalamat mokala-kala tukon nabi-nabi mokala-kala naikon lubat. Yanila naikon kubaiyo kokubai-kokubai mobolikon langge tukon mominasaindinggon-minasaindinggon sulano natipuwo kalu moola, mau Mian Bisa namian koidan.

“Salataa do loonudoo susaan, kooloyo teali kalipookan, tukon kobituwon akiyono koidan kolaango. Bituwon-bituwon pauno tuwong luwedoi timbu, tukon komo kuasaiyo kodapang teali nggalanggabut.