Popular Bible Verses from Marakusi 2

Share

Nahádi Iesu pekuneꞌraꞌ iti, onoꞌ miꞌi haneꞌi Nahángáꞌáheꞌ, “Tauna to tiꞌara maduꞌa, tiꞌara paraluu mampeliꞌ sando, ngkáliꞌna riꞌi tauna to maduꞌa to mampeliꞌ sando. TiꞌaraꞌAꞌ mai mokióꞌ tauna to mampekiri maroꞌa bábehiáraꞌ, agáiáná maiAꞌ mokióꞌ tauna to moisá kamadósáraꞌ, bona menosoꞌheꞌ.”

Kanaitána Iesu kamaróhóna pepoináláiraꞌ, Ia molaluita miꞌi i topaluꞌ iti, Nauliꞌ, “ÁnáꞌKuꞌ, teámpungi miꞌi dósámu.”

Hangko ionoꞌ, nauliꞌ wopiꞌi Iesu, “Pueꞌ Ala tiꞌara mopaꞌara alo penómbáꞌá bona mopakapári tauna {hai áturá-áturá to matimi}, ngkáliꞌna riꞌi Napaꞌara alo penómbáꞌá bona motulungi tauna.

agáiáná tiꞌara ara ráráraꞌ lao mohungkuki Iesu láwiꞌ támbi iti bukeꞌ ntepuꞌu tauna. Onoꞌ miꞌi haneꞌi rapengkáheka lao i atuꞌ támbi, rahóngká atuꞌna to ara i wongkona Iesu, haneꞌi topaluꞌ iti raulu noꞌu hante paturuána.

Agáiáná deꞌe-deꞌe ina Kupatongawaꞌákou kaꞌárána kuasaꞌna Ánáꞌ Mánusiá moámpungi dósá i duniáꞌ.” Hangko ionoꞌ, molaluita miꞌi Iesu i topaluꞌ iti, Nauliꞌ, “Mearómokoꞌ! Nulóló miꞌi aleꞌmu hai mesuleꞌmokoꞌ lao i támbimu!”

Umbána to magampaꞌ rauliꞌ i topaluꞌ deꞌe, ‘Teámpungi miꞌi dósámu,’ ba ‘Pearó, nulóló miꞌi aleꞌmu, haneꞌi molumaomokoꞌ’.

Mearó mpuꞌu miꞌi topaluꞌ iti, molóló aleꞌna, hai molumao lao i rawa i lindoꞌraꞌ tauna to handaꞌ. Karaitána tauna to handaꞌ apa to pewaliꞌ iti, tingkáráꞌheꞌ upu-upu hai motóiáheꞌ Pueꞌ Ala, rauliꞌ, “Tiꞌara mani hangkani taita to nodeꞌe!”