Popular Bible Verses from Lukasi 23

Share

Iesu mekakae, Nauliꞌ, “Umaꞌ, Nuámpungi wohiraꞌá tauna deꞌe, láwiꞌ tiꞌara raisá apa to rabábehi.” Surudadoꞌ to mopakuꞌ Iesu mobolobiaꞌmoheꞌ bona raisá heáná to ina molámbiꞌ waruꞌNa.

Nauliꞌ Iesu, “Toꞌu to Kuhángáꞌáꞌákoꞌ: i alo deꞌe, hingkakanikoꞌ hai Kódóꞌ i lalu Párádesiꞌ.”

Roo onoꞌ, nauliꞌ wopiꞌi tauna iti, “Iesu, Nubuhinaoaꞌ wongkódóꞌá, ane haweꞌKoꞌ hai mewaliꞌmoKoꞌ Datu!”

Roo onoꞌ, nauliꞌ miꞌi Iesu Napasimbuku, “Umaꞌ, Kupaisarenga peinaoNgkuꞌ i Hio!” KarooNa molaluita noꞌonoꞌ, upu miꞌi inaoNa.

Kahaweꞌraꞌ i buluꞌ to rahangaꞌ Buluꞌ Bangaꞌwuáꞌ, Iesu rapakuꞌ miꞌi i kau mombehape hai rodua tauna to kadake iti rapakuꞌ woꞌo. Hadua rapakuꞌ tándáꞌ i kuánáNa hai hadua tándáꞌ i kabeoꞌNa.

Kalialo miꞌi, rekeꞌ-rekeꞌna tintiꞌ hampuloꞌ hai duá, hangkaꞌ-hangkaꞌ perái makáindi i humalele tampoꞌ iti, tálu jaa kamaruena. Rindi báná to tetóe i lalu Támbina Pueꞌ Ala mahepaꞌ ntangaꞌ.

Kanaitána tadulako surudadoꞌ apa to pewaliꞌ iti, ia motóiá Pueꞌ Ala, nauliꞌ, “Tongawaꞌ ntepuꞌu tauna deꞌe tauna to manótó!”