Popular Bible Verses from Iohane 11

Share

Nauliꞌ Iesu, “Kódóꞌ miꞌi deꞌe to mampopearó tomate, hai to mampoweꞌi katueꞌ to tiꞌara mokahópóꞌá. Tauna to mepoinálái i Kódóꞌ, kehapiꞌheꞌ mate, ina tueꞌheꞌ huleꞌ. Hai upu-upu tauna to molámbiꞌ katueꞌ hangko i pepoináláiraꞌ i Kódóꞌ, bateꞌraꞌ tiꞌara ina mate duuꞌna i rue-ruena. Ba Nupoinálái to Kuꞌuliꞌ deꞌe?”

Nauliꞌ Iesu i Marita, “Tiꞌara paꞌi Kuhángáꞌáꞌámokoꞌ ininá, ane nupoináláiAꞌ, ina nuita mpuꞌu kamaróhóna kuasaꞌna Pueꞌ Ala?”

Hangko ionoꞌ, teriaꞌ miꞌi Iesu.

Kanahádina Iesu bámbári iti, Nauliꞌ, “Hakiꞌna iti tiꞌara ina moánti i kapate. Iti mewaliꞌ bona Pueꞌ Ala ina rapomahile, hai moliu apa to ina Kubábehi, Kódóꞌ ÁnáꞌNa Pueꞌ Ala woꞌo ina rapomahile.”

Roo onoꞌ, nauliꞌ Iesu Napasimbuku, “Lasaru! Mesuwuꞌmokoꞌ mai!” Mesuwuꞌ mpuꞌu miꞌi tauna to mate iti hangko i lalu popatawuána. Taena hai bitina tebungkuhi mani hai báná popebungkuhina, hai wuáꞌna rawewehi mani mouláꞌ ádáraꞌ toIahudiꞌ. Nahángáꞌáheꞌ Iesu, “Niwehángi miꞌi iti popebungkuhina bona ia peisá molumao.”

Hangko ionoꞌ, masusa wopiꞌi laluna Iesu, hai Ia lao i popatawuá. Popatawuá iti, ia miꞌi balamba to rakae i pingkena buluꞌ to ratuko hai watu to mahile.

Noꞌonoꞌ miꞌi laluitana Iesu, hai roo onoꞌ Nauliꞌ wopiꞌi, “Rángántaꞌ Lasaru letaꞌ miꞌi, agáiáná ina lao Kuruaꞌ.”