Popular Bible Verses from Matius 21

Share

Anna ingkänna palaummu yaling di sambayang la untahimbo asang ke mampetahpa' si'da-si'dao dai' di Puang Alataala.”

Natimba'mi Puang Yesus naoatee, ”Kutula'ingkoa' setonganna ponna mampetahpa' si'da-si'damokoa' anna damokoa' bata-bata didiona kakuasaanna Puang Alataala, ya' mala tungnga' tou dio umbabe inde aka ang puha kubabe pano di poang kayu. Anna dai dia yato supu, ampo' noa toi ke ungngoainte inde tanete, ‘Tiängkä'o tama di le'bo',’ ya' inang la dahi noa yatoo.

Tau mai'di ang mellao di olona anna di kebo'na Puang Yesus sika koha napekäyyängngi tandana mampudi naoatee, ”Pudii sanganna inde Änä'na Daud. La dibehe Inde ang nasuo Puang Alataala sule! Tapudii sanganna Puang Alataala ang tohho yaho di ongeang ang handang malängkä'!”

mane keaha'i pano diii naoatee, ”Aha tiuki' yaling di Suha' Masero ang naoatee, ‘Dasangku la disangai dasang ang la naongei tau ma'sambayang.’ Ampo' umpadahirea' dio pembunianna to bokoti.”

”Tula'i pano di ihsinna Yerusalem oaintee, ‘Itai sule Tomarayammu napellambi'io, mahamme' inaha si'da-si'da anna umpensakei mesa keledai ang mahäti'ke' ang dake' aha napensakei tau.’ ”

Naoa bunte Puang Yesus pano diii, ”Dakake'a' dio aha umbata yaling di Suha' Masero ang tiuki' didioku naoatee, ‘Batu ang puha natibei tukang, setonganna mendahi batu ang handang dipahallu. Dianto indee pembabena Puang Alataala ang takapusa'ia' mahasanna.’

Dahi kalehaiia' inde tula'ku: Yato tahamu yaling di Kapahentaanna Puang Alataala la dihampa'i asang, anna dibeai pano di ingkänna tau ang la untuhu'i anna umpembabe manahpaing pangngelo'na Puang Alataala.