Popular Bible Verses from Lukas 9

Share

Nalombungngike' tula'na pano di ingkännaii naoatee, ”Tau ang la pemala mampentindo'iä' pahallu ungkalimpängngi pangngelo'na toboe' sibaha umbulle kayu sitambeng allo-allo, mane napentindo'iä'.

Aka' menna pemala umpamahendeng katuhoanna, la bilang mateetee'; ampo' menna ang tontong mampetahpa' moi dipatei aka' Kodi', dianto ang la dipasalama' sungnga'na.

Ampo' natimba' Puang Yesus naoaintee, ”Mesa tau ang menge ma'dahkala dai la sihatang ke si mensaile loloi pano di kebo'na. Noa tunne' tau ang pemala mendahi to pentindo'ku dai la kekuna yaling di Kapahentaanna Puang Alataala ke umpihki' loloi katuhoang ang dolu.”

Aka' dai aha suhunna mesa tau untahongkongngi ingkänna aka-aka ang aha yaling inde di lino ke dasiang la salama' sungnga'na.

Ponna aha tau ang mampengkasiliingkä' anna umpengkasili toinne' pepakuhungku, la kupengkasili turinte'ne' ke sulemä' dako' sitonda kakuasaangku anna kakuasaanna Ambeku, noa tunne' kakuasaanna malaeka' masero yaho di suruka.

Ampo' natimba' Puang Yesus naoaintee, ”Mangngohi aha leänna naongei tohho, anna dansi aha sehänna naongei membanua. Ampo' Kodi' inde Änä' to Lino dai Ko aha ongeangku ang la kuongei tohho mehile bahtu' hahe.”

Anna naoaite pano diii, ”Menna ang untammui manahpa änä' saohko' ang sinnoa indee yaling di sangangku, ya' bahtuanna Kodi' siante' natammui manahpa, anna menna ang mantammui manahpaä', ya' bahtuanna Yatoete' ang mansuoä' sule natammui manahpa. Aka' menna-menna ang ungngangka' handang madihoi'ang kalaena yaling di alla'-alla'mua', ya' setonganna diaete' ang handang diangka' mayahoang.”