Popular Bible Verses from Yohanes 11

Share

Ma'tula' sala bung Puang Yesus naoatee, ”Kodi'mito indee ang mala umbea katuhoang pano di tau anna mala umpatuho sumule to mate. Tau ang mampetahpa' pano di Kodi' la tuho moinnakato mateng. Anna tau ang tuhoke' ke mampetahpa'i pano di Kodi', inang dai aha la ungngolai kamateang di mendehatanna lambi' sapano-panona. Umpetahpa'raka indee?”

Naoante Puang Yesus pano di Marta, ”Darakae' halimo kuoaintee: Ponna mampetahpa'o mai di Kodi', ya' la ungngitarakotee' kakuasaanna Puang Alataala.”

Ya' musemmi Puang Yesus.

Tahpana nahingngi Puang Yesus yato kaheba, ma'tula'mi naoatee, ”Inde korong, katämpä'anna daete' la umbaha kamateang pano di Lazarus, ampo' la umpatandaang kamatandeanna Puang Alataala. Noa tunne' anna malai dipamatande Änä'na.”

Puhanna ma'sambayang dai' di Ambena, ya' mekohang napekäyyängngi naoatee, ”O Lazarus, sohongngo!” Yato to mate sohong si'da yaling mai, tontongke' tibalung teyyena anna bihti'na anna noa toi lindona napoto' tuke'ne' pebalung. Ma'tula'mi Puang Yesus naoatee, ”Alaiia' indo pebalunna anna malai beba' mellao.”

Donetoo manaho bung inahanna Puang Yesus, mane maoi pano di ku'bu'na Lazarus. Yato ku'bu' dianto mesa leäng ang dilapa' batu käyyäng.

Noanto inde tula'na Puang Yesus. Mane nalombungngi salake' tula'na naoatee, ”Solasohonta Lazarus haheng. Ampo' la maoä' do kuheke.”