Popular Bible Verses from LUKAS 17

Share

Yesus arawa, atakam era ipit akoromen. “Bawasitey! Tamer! Wore Dera ambesemmanim. Erarawa wodamo daso akakapiamesteterem.” Emes atakam aesimen.

Era ipit, bare taka asan pota pak poman ban jamnuk tara aemtan apaye, wanam are, bare poman ban jamnuk ajiire, ‘Dere asan pota pak wora aemo,’ emes atakam aesimtan apaye, ere tare era asan pota aeme pak takes bimak binip ajanimemtamay.” Yesus emes atakam aesimen.

Me wan ipit takarawa, adamo daso akakapianse aporen. Ararawa, aofasien. Are atakam daytinak Allah tere aeomen. Emesare, are Yesus bipu kuus fop andaejiapen. Are, “terima kasih” atakam, Yesus akoromen. Era ipit ere, Samaria ipitin.

Tanom turuar! Me tajoo ipit asan pota pak aemto, era ipit bajatemotaeray. Wanam are era asan pota pak bamakemto, tare era ipit aeme pak, bimak binip ajanimemtamay.

Yesusam atakam akoromen. “Owe ban amnuk damo akot aoememes apaye? Me wan owe poman ban eak taka apok ere, eteperam?

Me Tuhan arawa, “Kosernak wus eek ere kutukoser. Me, tare defiak pak, emes kutukoser jiirey aeetakam apaye, tanom atakam ara wus juas ‘murbei’ akoromtakam, ‘Basiewasitey! Era itimbup bwi ajirapey.’ Emes atakam ara wus akoromtakam, ere era wus taatakam ji aeteman.”

Owe, adamo bajorem jak aseseromemtas, are bajorem apoknak aemtemas. Me, jiine bajanios aemtas owe ere, ajoremtemas.

Yesus arawa, atakam abajamkai owe akoromen. “Dosa baem batatapimtaa owe ajinaotemas. Emesare, dosa baem atatapimtaatas owe, asan potanak aemaptemas. Owe, eka daytu, era dosa baem atatapimtaatas owe afemak ajikitopomtas, wanam are era owe itimbup bwi ajurumpuumtas, ere era bwi ajurumpuumtas owe asan akot aemaptemas. Me, era dosa baem batatapimtaa owe, ara aemema jii dosa baem atatapimtaatas, era owe asan potanak aemaptemas.

Me Asamot Anakot Ajaoreme Ipit ajisto bare pak, ere Nuh bonaknak aemapaarir bare pak awar aemtem. Era owe ere, amos anama bwi andaaris. Are petae ajiema ajiaaris. Ooreyam ajuuta ajiaaris. Are, Nuh, era ti daytu tame aptam ajuue bare ajiire emes pak aemaaris. Era bwi dayturawa, ajinaoe. Are era owe takes asokome.