Popular Bible Verses from YOHANES 6

Share

Yesus arawa, “Era jiinenak baememaar banda pak, ere Derare. Me Dera ambaromemtanis owe, amosto apoknak aememaartemas. Me Dera ambesemtanis owe bwito apoknakam aememaartemas.

Allah Jip, jiinenak baememaar, owe atetamum. Asamot owe ere, emes baemetetam asan apok. Tare dokorey atakam ji aetakam, jiinenak atetamemar Jip tara andaememteman.

Tare era ofa aofamesto banda pak bataaen, jati daytinak bae bas. Me, era ofa baofames apok pak jati aeay. Ere tare jiinenak baememaar amos are. Era pakam, Asamot Anakot Ajaoreme Ipit, tara atetamtan amos are. Me Deritipit Allah, emes baem, Dera ataendaemen.” Emes atakam aesime.

Wan owe, Dere Allah Andep aportas, ararawa Dera ambesemtemanis. Deritipitam emes owe takes jiinenak baememaar akoten. Denom era owe ju ajiirenak aemamesto bajaoromwasumtum akoten.” Yesus emes atakam aesime.

Yesus arawa, “Tare Allah ataendaeme Ipit eemnak ambesemkoromay. Allah era pak akot aporem.” Emes atakam aesime.

Deritipit atetaman owe takes Dera ambaromemtemanis. Denom era ataendaemen Ipit era akot apormar pak jipu baem, Surga oup aendaeo. Dere, deakot apormin pak jipu baem bandae apok. Erarawa Dera ambaromemtanis owe takes bawotapem apoknak aemtemin.

Me Simon Petrus arawa, “Tuhan! Dare ta ipita ojamkaitam? Owe jiinenak batetam, ere Wo taka erare.

Me Surga oup aendae banda pak, jiinenak atetamum. Era banda pak, ere Derare. Owe era banda pak andetas, are jiinenak aememaartemas. Emesare, era atetamtey banda pak, dedamo dasa. Dere dedamo dasa atetamtemin. Ere asamot owe jiinenak baememaar are.” Emes atakam aesime.

Deritipit Dera ataendaemen. Armat Ipit, owe Dera bamaromem bimak binip batetam apok aemto, owe Dera baemebaromem asan apok aemtemas. Me, Dere era ambaromemtanis owe, Ju Ajiirenak aemamesto ajaoromwasumtumtemin.

Allah atetammar banda pak, ere era Surga oup aendae Ipit are. Era Ipit, jiinenak, asamot owe atetamum.” Emes atakam aesime.

Era jiinenak banda pak, ere Derare.

Me Yesusam era amos ataere, wanam terima kasih atakam Allah aokorome. Ararawa, era amos era aemapes owe asaietame. Era enamoam emes aemtame. Emesare, era owe takes jak andatukuapteteres. Era owe takes jak andatukuapteteres arawa, Yesus atakam abajamkai owe akorome. “Era andatiimas banda pak bajaresisimay. Owe era banda pak bakoromosom-ombar.” Emes atakam aesime.

Era owe, kilometer eak taka apok apaye, ban taka apaye, po itimbup emes ajireses. Ararawa, Yesus bwi ten aemjinaoe apores. Yesus era aemeses tipu ambareme. Era oweam ombare daytinak ambares. Armat Ipit ere, “Ombare bas! Dere Yesus.” Emes atakam aesime.