Popular Bible Verses from YOHANES 4

Share

Emesare, Allah, ere Jip. Erarawa Allah Jip afiak pak ataetmas owe taka, Allah basitimnak aemtemas. Wan owe Allah basitimnak baemeem asan apok.

Me, asep bare, waaam tair aro, Allah Jip, afiak pak, owe atetamtem. Erarawa era owe Allah basitimkorom aemtemas. Era oweam anakotnak Allah asitimtemas. Allaham owe emes basitim andimarem.

Me, era atetammin bwi andetas owe, bwito boemem apoknak aememtemas. Era atetammin bwi, era owe jak bomon eojafa bakapie apok bwi tamen aemestem. Erarawa era oweam jiinenak aememaartemas.” Yesus emes atakam aesime.

Me Yesus arawa, “Wore Allah bambi atetammar pak womsam apok. Wonom era bwi atakam ajanimmar Ipit womsam apok. Wore era pak womsam ere, wore era Ipit atakam ajanimtemarem. Era Ipit arawa, jiine bwi wora atetamteman.” Emes atakam aesime.

Me Yesus arawa, “Dere era ataendaemen Ipit akot apormar pak jipu aemtey, wanam era atakam asakamtamen karai afaafetiikoromtey, jak akot aememtemin. Ere owe amos jak batukuap jak akot aememmas tamen are.

Era taotam, “Dot! Wore ember apok. Era bwi kakotenak. Wore era jiine bwi ete asan ajirtaertem?

Era taotam, “Allah Aeremtaere Ipit andaetem. Emesare, dere emes demsam. Era Ipit wan juas ‘Kristus’. Andaeto ere, era atakam takes akoretamtemaro.” Emes atakam aesime. Yesusam, “Woratin atakam ajamkorammarem Ipit, era Ipit are. Dere Allah Aeremtaere Ipit ara aemapey.” Emes atakam aesime.

“Jipit taka, era aemaaru pak takes, atakam dera akoroman. Tanom de! Era Ipit baporay. Are Allah Aeremtaere Ipit apeno.” Emes atakam aesime.